រាជធានីភ្នំពេញ ៖ យោងតាមលោកជួង ជូងឺ មេធាវីរបស់លោកកឹម សុខា បានឱ្យដឹងថា កាលពីរសៀលថ្ងៃទី២៦ មិថុនា លោកបានដាក់ពាក្យសុំពន្យារពេលចូលឆ្លើយបំភ្លឺរបស់លោកកឹម សុខា តាមដីកាកោះរបស់តុលាការ ដែលការសុំពន្យារពេលនេះបានលើកហេតុផលថា លោកកឹម សុខា មិនទាន់មានពេលចូលបំភ្លឺបាន ដោយសារលោកជាប់រវល់ដឹកនាំយុទ្ធនាការឃោសនាបោះឆ្នោត ។
រាជធានីភ្នំពេញ ៖ យោងតាមលោកជួង ជូងឺ មេធាវីរបស់លោកកឹម សុខា បានឱ្យដឹងថា កាលពីរសៀលថ្ងៃទី២៦ មិថុនា លោកបានដាក់ពាក្យសុំពន្យារពេលចូលឆ្លើយបំភ្លឺរបស់លោកកឹម សុខា តាមដីកាកោះរបស់តុលាការ ដែលការសុំពន្យារពេលនេះបានលើកហេតុផលថា លោកកឹម សុខា មិនទាន់មានពេលចូលបំភ្លឺបាន ដោយសារលោកជាប់រវល់ដឹកនាំយុទ្ធនាការឃោសនាបោះឆ្នោត ។ តាមប្រភពថា ការស្នើសុំនោះត្រូវបានតុលាការយល់ព្រម ហើយក៏មិនទាន់កំណត់ពេលវេលាថ្មីក្នុងការកោះហៅលោកកឹម សុខា ដែរ ។
លោក ជុំ មីុ ប្រធានសមាគមជនរងគ្រោះដោយរបបកម្ពុជាប្រជាធិបតេយ្យ និងមេធាវីការពារក្ដីរបស់លោកគឺលោក កួយ ថុនា កាលពីថ្ងៃទី២៤ មិថុនា បានចូលទៅបំភ្លឺបន្ថែមលើពាក្យបណ្ដឹងរបស់លោកដែលបានដាក់ពាក្យប្ដឹងលោក កឹម សុខា អនុប្រធានគណបក្សសង្គ្រោះជាតិ ពីបទបរិហារកេរិ៍្ត ជាសាធារណៈទាក់ទងនឹងសម្ដីពីគុកទួលស្លែងដែលកាលពីពេលកន្លងមកលោក កឹម សុខា បាននិយាយថា គុកទួលស្លែងជាគុកសិប្បនិម្មិត ។ លោកជុំ ម៉ី បានថ្លែងប្រាប់អ្នកកាសែតថា លោកបានដាក់ពាក្យបណ្ដឹងទាមទារសំណងជំងឺចិត្ត១.០០០ដុល្លារអាមេរិក ឱ្យដល់វិញ្ញាណក្ខន្ធជនរងគ្រោះនៅគុកទួលស្លែង ។
ស្របពេលជាមួយគ្នានេះដែរសាលាដំបូងរាជធានីភ្នំពេញក៏បានចេញដីកាកោះអនុប្រធានគណបក្សសង្គ្រោះជាតិ លោក កឹម សុខា ដើម្បីឱ្យចូលខ្លួនបំភ្លឺករណីបណ្ដឹងរបស់លោកជុំ ម៉ី ទាក់ទិននឹងអ្វីដែលបុគ្គលកឹម សុខា បានថ្លែងធ្វើឱ្យប៉ះពាល់ជាសាធារណៈជុំវិញការនិយាយថា គុកទួលស្លែងជាកន្លែងសិប្បនិមិ្មត ។ ដីកានេះបានបញ្ជូនទៅស្នាក់ការកណ្ដាលរបស់គណបក្សសង្គ្រោះជាតិ ស្ថិតក្នុងសង្កាត់ទួលគោក តែបុគ្គលិកនៃគណបក្សនេះមិនបានទទួលដីកានេះទេព្រោះលោក កឹម សុខា មិនបានប្រាប់ឱ្យពួកគេទទួល ។ ព្រះរាជអាជ្ញារងសាលាដំបូងរាជធានីភ្នំពេញលោក មាស ចន្ទពិសិដ្ឋ បានចេញដីកានេះ ហើយបានបញ្ជូនទៅលោកកឹម សុខា ឱ្យចូលខ្លួននៅថ្ងៃទី២៧ មិថុនា ខាងមុខ ។
យោងតាមមន្ត្រីជាន់ខ្ពស់គណបក្សសង្គ្រោះជាតិឱ្យដឹងថា តំណាងអយ្យការសាលាដំបូងរាជធានីភ្នំពេញពិតជាបានកោះហៅលោក កឹម សុខា ប្រធានស្ដីទីគណបក្សសង្គ្រោះជាតិឱ្យចូលខ្លួនបំភ្លឺនៅថ្ងៃទី២៧ មិថុនា ឆ្នាំ២០១៣ មែន ជុំវិញការប្ដឹងរបស់លោកជុំ ម៉ី និងអតីតជនរងគ្រោះនៃរបបខ្មែរក្រហម៣នាក់ទៀត ៕
ចែករំលែកព័តមាននេះ