ជារឿងមួយគួរឱ្យអស់សំណើចផង និងភ្ញាក់ផ្អើលផង ខណៈដែលតារាចម្រៀងស្រីវ័យក្មេងកញ្ញា រតនៈ ពិសី ត្រូវបានគេឃើញមានរូបថតរបស់នាងបង្ហោះនៅលើទំព័រហ្វេសប៊ុក ក្នុង Account មួយដែលមានឈ្មោះ Sell Body ហើយប្រកាសថា លក់ខ្លួនបំពេញការសប្បាយដល់ប្រុសៗ ដែលករណីនេះធ្វើឱ្យនាងខឹងគ្រេវគ្រោចយ៉ាងខ្លាំង និងគ្រោងប្តឹងជនដែលប្រព្រឹត្តនោះថែមទៀត ។
សុខៗស្រាប់តែផ្អើលរឿងលក់ខ្លួនញាំុងឱ្យកញ្ញា រតនៈ ពិសី អ្នកចម្រៀងមានប្រជាប្រិយនៅក្លិបអេហ្ស៊ីបបង្ហាញអារម្មណ៍ខឹងយ៉ាងខ្លាំង ដោយនាងអះអាងថា នេះជារឿងមិនពិត… នាងមិនធ្វើដូច្នេះទេ គឺជនអគតិជាអ្នកយករូបថតរបស់នាង និងតារាដទៃទៀតទៅប្រកាសលក់ខ្លួន និងសរសេរពាក្យពេចន៍មិនសមរម្យក្នុងហ្វេសប៊ុកនាំឱ្យប៉ះពាល់ដល់សេចក្តីថ្លៃថ្នូរ និងកេរ្តិ៍ឈ្មោះជាស្ត្រី។
កញ្ញា រតនៈ ពិសី បញ្ជាក់ថា រឿងនេះនាងខ្ញុំនឹងសហការជាមួយសមត្ថកិច្ចស្រាវជ្រាវវែកមុខអ្នកដែលធ្វើអំពើមិនសមរម្យបង្កាច់បង្ខូចកេរ្តិ៍ឈ្មោះរបស់នាង ហើយប្តឹងឱ្យសមត្ថកិច្ចដាក់ទោសតាមផ្លូវច្បាប់ ៕
ចែករំលែកព័តមាននេះ