ពិធីការិនីកែវភ្នែកស្រទន់លេងទឹកមុខដូចតារាហុងកុង កញ្ញា តេង លក្ខិណា គម្រោងបើកហាងកាហ្វេទំនើប (Fast Food = អាហារលឿន) មួយនារយៈពេលជាង១ឆ្នាំមកហើយនេះនៅមិនទាន់លេចចេញជារូបរាងនៅឡើយទេ បើទោះណានាងមមាញឹកខ្លាំងក្នុងការគិតគូររឿងបើកមុខជំនួញដែលនាងធ្លាប់បង្ហើបប្រាប់អ្នកកាសែត និងអ្នកស្និទ្ធនឹងនាងយ៉ាងណាក៏ដោយ ប៉ុន្តែចុងក្រោយនេះនាងបញ្ជាក់ថា បើកគឺបើកហើយ។
ពិធីការិនីដែលគេបានពិនិត្យឃើញសាច់.សម៉ដ្ឋរលោងកញ្ញា តេង លក្ខិណា ដែលស្រវាចាប់ជាប់កម្មវិធី A1 Concert របស់ទូរទស្សន៍ MY TV បាននិយាយពីគម្រោងបើកមុខរបរហាងកាហ្វេទំនើបនេះ (Fast Food = អាហារលឿន) យ៉ាងយកចិត្តទុកដាក់ តែមិនទាន់លេចចេញជារូបរាងពិតប្រាកដនៅឡើយទេ ព្រោះខ្វះដើមទុន និងកំពុងសិក្សាពីការគ្រប់គ្រង, ការទាក់ទាញភ្ញៀវ ពោលគឺរៀបចំ។ ខណៈកំពុងធ្វើដំណើរទៅកាន់អាជីវកម្មថ្មីមួយទៀត ដើម្បីបង្កើនអាជីពជីវិតពីពិធីការិនីឱ្យក្លាយទៅជាថៅកែនោះ នារីវ័យក្មេងសំបូរភាពសិចស៊ីតេង លក្ខិណា រូបនេះបាននិយាយប្រាប់មហាគ្រួសារថា មួយរយៈនេះនាងជាប់រវល់រហូតមិនសូវបង្ហាញខ្លួននៅក្នុងកម្មវិធីធ្វើឱ្យមានការភ្ញាក់ផ្អើលផងដែរ… ។ តែទោះជាយ៉ាងណានាងនឹងមិនបោះបង់ចោលអាជីពជាពិធីការិនីនៅ MY TV ឡើយ ។ រីឯហាងកាហ្វេទំនើបនោះវិញថា បើកគឺពិតជាបើកហើយ… ឱ្យថា អត់វិញគឺមិនអាចទេ ព្រោះកំពុងតែតុបតេងរៀបចំរាល់ថ្ងៃ ។ ចំណែកថវិកាដែលជាដើមតុនបើកហាងនេះ គឺមួយផ្នែកបានមកពីអាជីពសិល្បៈ និងមួយផ្នែកទៀតបានមកពីសាច់ញាតិទំនុកបម្រុង ព្រោះពួកគាត់ជាអ្នករកស៊ីផ្នែកនេះ ។
ពិធីការិនីសាច់.សខ្ចីវ័យ២៥ឆ្នាំ កម្ពស់១,៦២ម៉ែត្រ ដែលចូលចិត្តសិក្សាផ្នែកទេសចរណ៍ តេង លក្ខិណា ធ្លាប់ត្រូវបានគេភ្ញាក់ផ្អើលថា មានជំនួយប្រចាំខែ៦.០០០ដុល្លារពីអ្នកមានប្រាក់-មានអំណាចកាលពីជាងមួយឆ្នាំមុន និងថា មានឧកញ៉ាទិញរថយន្ត Rang Rover ឱ្យទៀតផង… ប៉ុន្តែទោះជាយ៉ាងណាក៏ដោយពិធីការិនីដែលផ្តើមចេញពី Freshie girl and boy ចំណាត់ថ្នាក់លេខ៣ កាលពីឆ្នាំ២០០៦ បានបដិសេធរឿងនេះថា មិនដូច្នោះទេ ប្រសិនជាអញ្ចឹងមែន េម៉្លះសមនាងមិនខ្វះដើមបើកជំនួញហាងកាហ្វេទំនើបនោះឡើយ៕
ចែករំលែកព័តមាននេះ