ក្រុមសិស្សសាលាប្រហែលជា១០០នាក់ ដែលចេញដំណើរពីក្រុងញូវយ៉កឆ្ពោះទៅក្រុងអាត្លង់តា សហរដ្ឋអាមេរិកត្រូវបានបណ្តេញចេញពីយន្តហោះរបស់ក្រុមហ៊ុនអាកាសចរណ៍អ៊ែរត្រាន (Airtran) ក្រោយពីអាកាសយានិក និងបុគ្គលិកក្នុងយន្តហោះបាត់បង់ភាពអំណត់ចំពោះពួកគេ ដែលមិនបានអង្គុយឱ្យមានរបៀប និងមិនព្រមបិទទូរស័ព្ទដៃតាមការណែនាំ ។
ទីភ្នាក់ងារព័ត៌មានបរទេសបានផ្សាយថា ហេតុការណ៍ខាងលើបានកើតឡើងនៅវេលាម៉ោង៦ព្រឹកថ្ងៃទី៣ មិថុនា ម៉ោងក្នុងស្រុក នៅឯអាកាសយានដ្ឋានឡាហ្គាឌៀ និងក្រុមសិស្សរបស់សាលាយេស៊ីវា៉ អហ្វ ផ្លេតប៊ូស សហរដ្ឋអាមេរិក ។អ៊ែរត្រានជាក្រុមហ៊ុនអាកាសចរណ៍នៅក្នុងប្រទេសបានគូសបញ្ជាក់ថា អាកាសយានិក និងបុគ្គលិករមែងស្នើសុំការណែនាំដល់ក្មេងទាំងនេះជាច្រើនលើកឱ្យបិទទូរស័ព្ទដៃ និងនៅពេលដែលគ្មាននរណាប្រតិបត្តិតាម ក៏ចេញបញ្ជាឱ្យអ្នកដំណើរទាំងនេះចុះពីយន្តហោះតែម្តង ។
គ្រូបង្រៀនម្នាក់ដែលត្រូវអញ្ជើញឱ្យចាកចេញពីយន្តហោះរួមជាមួយសិស្សបានគូសបញ្ជាក់ថា ក្រុមហ៊ុនអាកាសចរណ៍បានប្រតិបត្តិហួសហេតុ និងចោទប្រកាន់លើបុគ្គលិកទទួលភ្ញៀវលើយន្តហោះថាមានការព្រហើនកោង កាច ។ សិស្សម្នាក់ក្នុងចំណោមសិស្សទាំងអស់មានជំនឿចិត្តថា ពួកគេត្រូវបណ្តេញចេញពីយន្តហោះ ប្រៀបដូចជាជនអត់សាសនា ពួកគេត្រូវកាពីទែន និងសមាជិកយានិកប្រតិបត្តិប្រៀបដូចជាពួកភេរករ ។ រូបគេមិនធ្លាប់ជួបប្រទះបែបនេះកាលពីមុន និងមិនបានប្រតិបត្តិអ្វីដែលទទួលការចោទប្រកាន់ និងប្រសិនបើពួកគេជាក្មេងអត់សាសនា ក៏ប្រហែលជាត្រូវបណ្តេញចេញបែបនេះ ។
ចំណែកនាយកសាលាបានគូសបញ្ជាក់ថា បច្ចុប្បន្នកំពុងតែស្ថិតក្នុងការស្រាវជ្រាវលើហេតុការណ៍ដែលកើតឡើង ប៉ុន្តែក្នុងដំណាក់កាលដំបូងនៅមិនទាន់ដឹងថា តើទង្វើរបស់បុគ្គលិកក្រុមហ៊ុនអាកាសចរណ៍ខាលើមានភាពយុត្តិធម៌ឬអត់ ?
ចែករំលែកព័តមាននេះ