រាជធានីភ្នំពេញ ៖ ក្រុមហ៊ុន Cellcard ដែលជាបណ្តាញទូរស័ព្ទចល័តដ៏ធំជាងគេនៅក្នុងប្រទេសកម្ពុជានឹងផ្តល់ ជូននូវរង្វាន់ដ៏ពិសេសមិនធ្លាប់មាននៅក្នុងប្រទេសកម្ពុជា គឺរង្វាន់ឈ្នះទឹកប្រាក់១លានរៀល ក្នុងមួយខែពេញមួយជីវិតរបស់អតិថិជន ។ រង្វាន់នេះនឹងផ្តល់ជូនអតិថិជនចំនួន៤រូប ដែលបានប្រើប្រាស់ប្រព័ន្ធទូរស័ព្ទចល័ត Cellcard ហើយការចាប់រង្វាន់នេះ នឹងធ្វើឡើងនៅក្នុងខែមិថុនា ២០១៣ គឺមួយសបា្តហ៍ចាប់ម្តង និងមួយដងយកអតិថិជនម្នាក់ សរុបគឺជ្រើសរើសយក៤នាក់ក្នុងកម្មវិធីនេះ ។
លោក Ian Waston នាយកប្រតិបត្តិក្រុមហ៊ុន Cellcard បានមានប្រសាសន៍ក្នុងកិច្ចសម្ភាសន៍ កាលពីរសៀលថ្ងៃទី៤ មិថុនា ២០១៣ ឱ្យដឹងថា ក្រុមហ៊ុនបានអនុវត្តនូវកម្មវិធិពិសេសៗជាច្រើនរួចមកហើយ សម្រាប់អតិថិជនដូចជាការផ្តល់រង្វាន់១ម៉ឺនដុល្លារក្នុង មួយថ្ងៃ និងការផ្តល់ជូនរថយន្តជាដើម ។ ហើយដោយសារការផ្តល់នូវរង្វាន់ជាច្រើននេះហើយ ទើបក្រុមហ៊ុនចង់ផ្តល់នូវរង្វាន់ដែលមានរយៈពេលវែងផងដែរ សម្រាប់អតិថិជន ៕
ចែករំលែកព័តមាននេះ