ថ្លែងជាសាធារណៈពីខេត្តកំពង់ចាម ក្នុងពិធីបញ្ចុះខណ្ឌសីមាព្រះវិហារវត្តមង្គលវង្ស ស្ថិតក្នុងភូមិកណ្តាល ឃុំគរ ស្រុកត្បូងឃ្មុំ នាព្រឹកថ្ងៃទី៣០ ឧសភា ២០១៣នេះសម្តេចអគ្គមហាសេនាបតីតេជោ ហ៊ុន សែន បានប្រកាសថា នឹងមានបាតុកម្មកើតឡើងនៅទូទំាងប្រទេសនាពេលខាងមុខ ប្រឆាំងនឹងលោក កឹម សុខា ដែលនិយាយថា គុកទួលស្លែងជាកន្លែងសិប្បនិម្មិត ។
សម្តេចបានបញ្ជាក់ទៀតថា បាតុកម្មនេះរង់ចំាតែស្នូរជួងរបស់ លោក ជុំ មី និង លោក ប៊ូ ម៉េង អតីតជនរងគ្រោះនៅគុកទួលស្លែងតែប៉ុណ្ណោះ ។ យ៉ាងណាក៏ដោយសម្តេចតេជោ ក៏បានអំពាវនាវកុំឲ្យមានអំពើហិង្សាកើតឡើងនៅក្នុងបាតុកម្មប្រឆាំងនឹងលោកកឹម សុខានេះ ។
គួរបញ្ជាក់ថា លោក ជុំ មី និង លោក ប៊ូ ម៉េង កាលពីថ្ងៃទី២៥ ឧសភា ចុងសបា្តហ៏មុន ធ្លាប់បានប្រកាសឲ្យ លោក កឹម សុខា ប្រធានស្តីទីគណបក្សសង្គ្រោះជាតិ សូមទោសជនរងគ្រោះ និងព្រលឹងជនរងគ្រោះទំាងអស់ ដែលធ្លាប់ជាប់គុកនៅគុកទួលស្លែង ចំពោះអ្វីដែលលោក កឹម សុខា បាននិយាយថា គុកទួលស្លែងជាកន្លែងធ្វើទារុណកម្ម និង សម្លាប់មនុស្សសិប្បនិម្មិតនោះ ។
កាលពីព្រឹកថ្ងៃទី២៩ ឧសភា លោក កឹម សុខា បានបា្រប់អ្នកកាសែតថា លោកមិនសូមទោសទេ ហើយក៏បានបដិសេធថាលោកមិនបាននិយាយដូច្នេះដែរ ៕
ចែករំលែកព័តមាននេះ