រាជធានីភ្នំពេញ៖ រថយន្តដឹកអុស ពណ៌ត្រេអី គ្មានស្លាកលេខមួយគ្រឿងបានបើកបោះពួយឡើងសួនច្បារវង្វង់មូលស្ពានព្រែកព្នៅកាលពីវេលាម៉ោង១២ អធ្រាត្រ ថ្ងៃទី២៥ ឧសភា ២០១៣ នៅក្នុងភូមិកំបោរ សង្កាត់ស្វាយប៉ាក ខណ្ឌឬស្សីកែវ ហើយផុងជាប់ទៅមុខលែងរួច។រថយន្តនោះត្រូវបានគេអះអាងថាជារថយន្តកងពលតូចលេខ៣ បានដឹកអុសទៅប្រើប្រាស់ ហើយក្នុងពេលធ្វើដំណើរតាមផ្លូវក៏បានជួបហេតុការណ៍នេះតែម្ដង។
តាមសាក្សីឃើញហេតុការណ៍បានឱ្យដឹងថា នៅមុនពេលកើតហេតុរថយន្តបានដឹកអុសធ្វើដំណើរតាមផ្លូវជាតិលេខ៥ហើយទៅតាមផ្លូវទំនប់កប់ស្រូវ។ ពេលមកដល់ចំណុចខាងលើមិនដឹងមូលហេតុអ្វី ស្រាប់តែរថយន្តបើកត្រង់ឡើងសួនច្បារ ក៏ផុងជាប់ផ្អៀងមួយចំហៀងទៅមុខលែងរួច។
បើតាមព្រូឡានបានប្រាប់ឱ្យដឹងថា ដែលរថយន្តបើកឡើងសួនដោយសារតែបើកគេចម៉ូតូមួយគ្រឿងក៏ជ្រុលឡើងសួនតែម្ដង។នៅយប់នោះម្ចាស់រថយន្តបានជួបជាមួយតំណាងខាងក្រុមហ៊ុនលីយ៉ុងផាត់ដោះស្រាយ។ទោះបីជាយ៉ាងណានៅវេលាម៉ោង១១ និង៣០នាទីព្រឹកថ្ងៃទី២៦ ឧសភា ២០១៣ រថយន្តត្រូវបានអគ្គស្នងការនគរបាលជាតិនិងជាស្នងការនគរបាលរាជធានីភ្នំពេញបញ្ជាឱ្យឃាត់ទុកហើយបញ្ជូនមកកាន់ការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញដោះស្រាយតាមច្បាប់៕
ចែករំលែកព័តមាននេះ