រាជធានីភ្នំពេញ៖ទឹកសម្អុយមួយកន្លែងហូរចេញពីលូរខួបប្រាំងខួបវស្សានៅលើដងផ្លូវបេតុងស្ថិតក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ។ទឹកសម្អុយនេះបង្កឱ្យមានការប៉ះពាល់ដល់បរិស្ថានរស់នៅរបស់អ្នកជិតខាងនិងប្រជាពលរដ្ឋធ្វើដំណើរឆ្លងកាត់ ហើយពួកគេបានរអ៊ូរទាំថាអាជ្ញាធរមូលដ្ឋានមិនព្រមអើពើជួសជុលនិងស្ដារប្រព័ន្ធលូមួយខ្សែខាងលើនេះឱ្យបានល្អ។
ចំពោះបញ្ហានេះកោះសន្តិភាពបានសាកសួរលោក សេង សាញ់ ចៅសង្កាត់ស្ទឹងមានជ័យជាញឹកញាប់មកហើយដែរ តែលោកឆ្លើយថា លោកកំពុងចលនាប្រជាពលរដ្ឋដើម្បីស្ដារ ហើយប្រជាពលរដ្ឋនៅតែរិះគន់អាជ្ញាធរភូមិសង្កាត់ថាមិនរវល់ពីបញ្ហានេះ ព្រោះវាកើតមានយូរឆ្នាំមកហើយ។
តាមរយៈកោះសន្តិភាពប្រជាពលរដ្ឋសង្ឃឹមថាលោកគួច ចំរើន អភិបាលខណ្ឌមានជ័យនិងលោកសេង សាញ់ ចៅសង្កាត់ស្ទឹងមានជ័យ នឹងមានវិធានការជួសជុលបណ្ដាញលូខាងលើនេះ ជូនប្រជាពលរដ្ឋប្រើប្រាស់ឱ្យបានមុនថ្ងៃបោះឆ្នោត៕
ចែករំលែកព័តមាននេះ