ខេត្តរតនគិរី ៖ សកម្មភាពដឹកឈើប្រណីតកំពុងកើតមានយ៉ាងគគ្រឹកគគ្រេងចេញពីក្រុងបានលុងកាត់តាមច្រកអន្តរជាតិអូរយ៉ាដា ឆ្ពោះទៅប្រទេសវៀវណាម ។
ប្រភពព័ត៌មានឱ្យដឹងថា នៅតាមច្រកនានាដូចជាច្រករបៀងក្រោយកាស៊ីណូទ្រីភាពមានមន្ត្រីគយ ប៉ូលិសច្រកទ្វារ កាំកុងត្រូល ចាំយកលុយពីការដឹកឈើទាំងនោះសរុបមានមន្ត្រីពាក់ព័ន្ធ៤២ស្ថាប័ន តាំងពីថ្នាក់ក្រោមដល់ថ្នាក់ក្រសួង ។
សូមបញ្ជាក់ថា ការដឹកឈើប្រណីតនេះមានរថយន្តកាមរីហើម, ស្វិត, ទួរីស, សាំងយ៉ុង, ឡង់គ្រីស្ស័រ, ឡិចស៊ីស និងយីឌុបកំពុងប្រណាំងប្រជែងគ្នាដឹកឈើយ៉ាងអានាធិបតេយ្យ ។ ហើយចំណុចច្រកទ្វារបាសាវ ស្ថិតនៅស្រុកអណ្តូងមាស ឃុំញ៉ាង ក៏កំពុងមានសកម្មភាពខ្លាំងក្លាដែរ ។ ចំណែកឯចំណុចមុំ៣ ឈ្មួញខ្មែរ និងឈ្មួញវៀតណាមកំពុងដឹកឈើប្រណីតទាំងយប់ទាំងថ្ងៃ មួយថ្ងៃៗប្រហែល២០-៤០ម៉ែត្រត្រីគុណដែលមានប្រភេទឈើគ្រញូងនាំចេញពីឡាវ និងបេង នាងនួង ធ្នង់ នាំចេញពីព្រៃខ្មែរតំបន់នោះ ។
មានការបារម្ភថា បើសកម្មភាពដឹកបំផ្លាញឈើប្រណីតនៅតែកើតឡើងយ៉ាងនេះ ម៉្លេះសមក្មេងជំនាន់ក្រោយនឹងលែងស្គាល់ឈើទាំងនោះហើយ ៕
ចែករំលែកព័តមាននេះ