ខេត្តបន្ទាយមានជ័យ៖លោកសុខ ខឿន អនុប្រធានអចិន្ត្រៃយ៍គណបក្សក្រុមប្រឹក្សាក្រុងប៉ោយប៉ែត និងលោកហាំ វណ្ណៈ ប្រធានគណៈកម្មាធិការបក្ស ស៨៨ អង្គភាព៨៩១ រួមទាំងក្រុមការងារសមាជិកបក្សមួយចំនួនបានចុះចែកអំណោយជាសារុងដល់សមាជិកចំនួន២៩៧ នាក់នាព្រឹកថ្ងៃទី២៦ ឧសភា ២០១៣ ស្ថិតនៅក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត។
ក្នុងឱកាសនោះលោកហាំ វណ្ណៈ ប្រធានគណៈកម្មាធិការបក្ស ស៨៨ អង្គភាព៨៩១បានមានប្រសាសន៍ឱ្យដឹងថា ដោយឡែកនៅព្រឹកនេះក្រុមការងារបានចុះសួរសុខទុក្ខដល់សមាជិកបក្សទាំងអស់ដែលរស់នៅក្នុងភូមិដោយយកចិត្តទុកដាក់ ធ្វើយ៉ាងណាឱ្យបងប្អូនជាសមាជិកគណបក្សប្រជាជនកម្ពុជាចេះរួបរួមសាមគ្គី ស្រលាញ់គ្នា ហើយនិងសូមឱ្យសមាជិកបក្សទាំងអស់ដើរក្នុងផ្លូវតែមួយ។ ពិសេសសូមឱ្យបងប្អូនអញ្ជើញទៅចូលរួមបោះឆ្នោតជ្រើសរើសថ្នាក់ដឹកនាំប្រទេសនាពេលខាងមុខនេះឱ្យបានគ្រប់ៗគ្នា។
ចែករំលែកព័តមាននេះ