ក្រុមនិស្សិតនៃសាកលវិទ្យាល័យអន្តរជាតិជាច្រើនរយនាក់ នៅពេលនេះកំពុងធ្វើបាតុកម្មកាន់តែមានទ្រុងទ្រាយធំឡើងៗ ដោយពួកគេបានលើកបដាជាច្រើនដោយសុំឲ្យសម្តេចនាយករដ្ឋមន្រ្តី ហ៊ុន សែន និង លោកជំទាវសម្តេច ជួយអន្តរាគមន៏រកដំណោះស្រាយឲ្យពួកគេនោះថែមទៀត ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា មកទល់នឹងម៉ោង១០និង៥៥នាទីព្រឹកថ្ងៃទី២៦ ឧសភា ២០១៣នេះ ក្រុមនិស្សិតទំាងនោះបានប្រមូលផ្តុំគ្នានៅតាមបណ្តោយផ្លូវលេខ ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ប៉ុន្តែពុំទាន់មានការកកស្ទះចរាចរណ៏នៅឡើយនោះទេ ។
គួរបញ្ជាក់ថា នេះជាលើកទី២ហើយ បន្ទាប់ពីកាលពីចុងសបា្តហ៏មុន ក្រុមនិស្សិតនៃសាកលវិទ្យាល័យអន្តរជាតិ IU បានធ្វើបាតុកម្មដើម្បីទាមទារឲ្យសាកលវិទ្យាល័យកំណត់ពេលប្រឡងឲ្យបានច្បាស់លាស់ និងមិនត្រូវយកលុយពេលប្រឡងចេញដូចខាងសាកលវិទ្យាល័យធ្លាប់បានសន្យា។ មកទល់នឹងថ្ងៃនេះ ប្រមាណ១សបា្តហ៏ហើយនៅតែមិនទាន់មានដំណោះស្រាយ ៕
ចែករំលែកព័តមាននេះ