រាជធានីភ្នំពេញ ៖ លោកគី តិច មេធាវីរាជរាជរដ្ឋាភិបាលកម្ពុជានៅរសៀលថ្ងៃទី២៥ ឧសភា នេះ បានរៀបចំពិធីសំណេះសំណាលជាមួយសមាជិកគណបក្សប្រជាជនកម្ពុជាចំណុះសាខាគណបក្សភូមិជំពុះក្អែក ដែលមានប្រជាពលរដ្ឋចូលរួមជិត២០០០នាក់ ស្ថិតក្នុងសង្កាត់ព្រែកថ្មី ខណ្ឌមានជ័យ ។
នៅក្នុងពិធីនោះ លោកក៏បានណែនាំជូនប្រជាពលរដ្ឋឱ្យស្គាល់លេខរៀងគណបក្សប្រជាជនកម្ពុជា គឺលេខរៀងទី៤ មានរូបទេព្តាបាចផ្កា ។ លោកគី តិច ក៏បានចោទសួរប្រជាពលរដ្ឋថា ហេតុអ្វីបានជាយើងនាំគ្នាស្រឡាញ់គណបក្សប្រជាជនកម្ពុជា? ខណៈនោះមានប្រជាពលរដ្ឋជាច្រើនបានឆ្លើយថា មកពីគណបក្សប្រជាជនកម្ពុជាជួយសង្គ្រោះអាយុជីវិតចេញពីរបបប៉ុល ពត, កសាងប្រទេសជាតិឱ្យបានរីកចម្រើនដូចជាផ្លូវ, ស្ពាន, ថ្នល់, មន្ទីរពេទ្យជាដើម និងស្មោះត្រង់ ហ៊ាននិយាយ គឺហ៊ានធ្វើ ៕
ចែករំលែកព័តមាននេះ