ក្រុងប៉ោយប៉ែត ៖ ជនសង្ស័យម្នាក់ដែលជាប់ចោទលួចទូរស័ព្ទគេបម្រុងរត់គេចខ្លួន តែត្រូវម្ចាស់ដឹងទាន់ និងប្រជាពលរដ្ឋដេញចាប់បានបង្កឱ្យភ្ញាក់ផ្អើលនៅវេលាម៉ោង៧ព្រឹកថ្ងៃទី២៥ ឧសភា ២០១៣ ស្ថិតក្នុងភូមិក្បាលស្ពាន២ សង្កាត់ប៉ោយប៉ែត ក្រោយប៉ោយប៉ែត ។
ជនសង្ស័យពុំទាន់ត្រូវបានស្គាល់អត្តសញ្ញាណនៅឡើយទេ បើតាមប្រភពពីកន្លែងកើតហេតុបានឱ្យដឹងថា មុនពេលដេញចាប់បាននោះ ជនសង្ស័យរូបនេះបានធ្វើសកម្មភាពលួចទូរស័ព្ទរបស់គ្រួសារមួយនៅក្បែរកន្លែងកើតហេតុ ដោយបម្រុងរត់ទៅទិសខាងលិច ខណៈពេលព្យាយាមរត់គេចនោះ ក៏ត្រូវម្ចាស់តាមប្រមាញ់ ហើយក៏ស្រែកឆោឡោដឹងដល់ប្រពលរដ្ឋ និងសមត្ថកិច្ចក៏ធ្វើការព័ទ្ធចាប់តែម្តង ៕
ចែករំលែកព័តមាននេះ