រាជធានីភ្នំពេញ ៖ យុវជនម្នាក់ចិត្តហួសប៉ែត បានជិះម៉ូតូឌុបមកលោតទឹកសម្លាប់នៅលើស្ពានជ្រោយចង្វាត្រើយខាងលិច តែមិនសម្រេចដោយសារយុវជននោះចេះហែលទឹក ក៏ហែលមកច្រាំងទន្លេវិញ បង្កឱ្យមានការភ្ញាក់ផ្អើលកាលពីវេលាម៉ោង៦ និង៣០នាទីព្រឹកថ្ងៃទី២៥ ឧសភា ២០១៣ ដោយសារខឹងសុំលុយម្តាយ៣០០០ដុល្លារទិញម៉ូតូមិនបាន ។
យុវជននោះត្រូវបានគេស្គាល់ឈ្មោះឈាង វុធ អាយុ២៦ឆ្នាំ មានស្រុកកំណើតនៅឆ្លូង ខេត្តក្រចេះ ហើយបច្ចុប្បន្នស្នាក់នៅផ្ទះលេខ១០៨ សង្កាត់ទួលទំពូង១ ខណ្ឌចំការមន ។ បើតាមប្រភពមួយទៀតបានឱ្យដឹងថា យុវជននេះទំនងជាញៀនថ្នាំ ទើបមានចិត្តចង់សម្លាប់ខ្លួន ៕
ចែករំលែកព័តមាននេះ