រាជធានីភ្នំពេញ៖ រឿងរ៉ាវដ៏គួរឲ្យអស់សំណើចមួយបានកើតឡើង ក្នុងខណៈពេលដែលគូរស្នេហ៍១គូរ បានជិះម៉ូតូមួយគ្រឿងម៉ាកឃ្លីក ពណ៌ខ្មៅ គ្មានស្លាកលេខ ឌុបគ្នាតាមបណ្តោយផ្លូវព្រះនរោត្តម ក្នុងទិសដៅពីជើងទៅត្បូង ខណៈមកដល់ចំណុចមុខបុរីឧទ្យានបាសាក់ ក៏បានជ្រុលល្បឿនបុកគូទរថយន្តម៉ាកកាមរីហាយប្រីត ពណ៌ខ្មៅ ដែលកំពុងឈប់នៅមុខស្តុប បណ្តាលឲ្យគូរស្នេហ៍មួយគូរនេះដួលទៅនឹងថ្នល់ ហើយបុរសដែលឌុបសង្សារបស់ខ្លួននោះក៏បានស្រវេស្រវ៉ា លើកម៉ូតូឡើងជិះរត់ចោលស្រីដែលជាគូរស្នេហ៍របស់ខ្លួននោះទៅបាត់ ទើបម្ចាស់រថយន្តឃាត់ខ្លួននារីរូបនេះទុកដើម្បីទាមទារសំណងថ្លៃខូចខាតរថយន្ត។ ហេតុការណ៍នេះបានកើតឡើងកាលពីវេលាម៉ោង ៨នឹង៣០នាទីយប់ ថ្ងៃទី២៤ ឧសភា ២០១៣ នៅតាមបណ្តោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន។
ក្រោយពេលកើតហេតុ នារីខាងលើ បានទូរស័ព្ទហៅឪពុកម្តាយ និងបងប្អូនឲ្យមកដោះស្រាយសំណងជូនភាគីម្ចាស់រថយន្តដែលរងការខូចខាត៕
ចែករំលែកព័តមាននេះ