ស្ពានឆ្លងទន្លេមួយនៅភាគខាងជើងក្រុងស៊ីអេតថលរដ្ឋវ៉ាស៊ីនតោន សហរដ្ឋអាមេរិកបានបាក់ បណ្តាលឱ្យមនុស្សដែលកំពុងឆ្លងកាត់ និងយានយន្តធ្លាក់ចុះរងការខូចខាតជាច្រើនគ្រឿង។ឧបទ្ទវហេតុខាងលើកើតឡើង កាលពីវេលាម៉ោង៧យប់ ម៉ោងក្នុងស្រុក ថ្ងៃទី២៣ ឧសភា នៅតាមបណ្តោយផ្លូវជាតិលេខ៥ (Interstate 5) ចន្លោះទីក្រុងម៉ោនវើនុន និងទីក្រុងប៊ឺលីងតុន ភាគខាងជើងទីក្រុងស៊ីអេតថល ប្រហែល៩០គីឡូម៉ែត្រ ។
លោក ម៉ាក ហ្វ្រានស៊ីស អ្នកនាំពាក្យប៉ូលិសរដ្ឋវ៉ាស៊ីនតោននិយាយថា « ខ្ញុំទទួលព័ត៌មានថា មានរថយន្តនិងមនុស្សធ្លាក់ទៅក្នុងទន្លេ កាសែតស៊ីអេតថលថាមផ្សាយថា អ្នកបើកបររថយន្តចំនួន៣នាក់ត្រូវបានជួយសង្គ្រោះ ប៉ុន្តែទិន្នន័យខាងលើ នៅមិនទាន់មានបញ្ជាក់ពីអាជ្ញាធរនៅតំបន់ស្កាហ្គីត ដែលជាកន្លែងគ្រោះថ្នាក់នោះនៅឡើយទេ» ។ប្រភពពីវ៉េបសាយ National Bridge Inventory Database បញ្ជាក់ថា ស្ពានខាងលើបានសាងសង់ឡើងកាលពីឆ្នាំ១៩៥៥ និងជាផ្នែកមួយយ៉ាងសំខាន់សម្រាប់អ្នកដំណើរ ។
កាលពីខែសីហា ២០០៧ ស្ពានឆ្លងទន្លេ I-35W ក្នុងទីក្រុងមីនីអាប៉ូលីរដ្ឋមីននីស្យត នៅប្រទេសកាណាដា បានបាក់ប្រហែល៣០០ម៉ែត្រ ខណៈពេលដែលមានមនុស្សចំនួន១៣នាក់ ត្រូវស្លាប់ និង១៤៥នាក់ទៀតរង របួស ។ ដោយសារហេតុការណ៍ខាងលើបានធ្វើឱ្យអាជ្ញាធរអាមេរិក បង្កើនការរឹតបន្តឹងលើសុវត្ថិភាព នៃការសាងសង់ហេដ្ឋារចនាសម្ព័ន្ធនៅក្នុងប្រទេស តែពេលខ្លះគ្រោះថ្នាក់នៅតែកើតមាន ៕
ចែករំលែកព័តមាននេះ