ដោយសារបញ្ហាសុខភាពបានបង្ខំឱ្យកីឡាករអាហ្សង់ទីន ចូអាន ម៉ាទីន ឌែលប៉ូត្រូ ក្លាយជាកីឡាករល្បីឈ្មោះទី២ដែលប្រកាសដកខ្លួនពីព្រឹត្តិការណ៍វាយកូនបាល់ក្របខ័ណ្ឌ French Open ឆ្នាំ ២០១៣ ។ អតីតម្ចាស់ជើងឯកក្របខ័ណ្ឌធំ US Open រូបនេះបានប្រកាសថា ខ្លួនមានជំងឺពោលគឺបន្ទាប់ពីការបរាជ័យក្រោមថ្វីដៃកីឡាករបារាំង Benoit Paire ក្នុងកម្មវិធី Rome Masters សប្តាហ៍មុន ។
ឌែល ប៉ូត្រូ នៅក្នុងការប្រកួតក្របខ័ណ្ឌ French Open ឆ្នាំទៅមិញ បានឈានចូលដល់វគ្គ១/៤ផ្តាច់ព្រ័ត្រ តែជាអកុសលកីឡាករលំដាប់ទី៧ពិភពលោករូបនេះត្រូវបរាជ័យក្រោមថ្វីដៃកីឡាករស្វីស រ៉ូជើ ហ្វេដឺរ័រ ។ នៅពេលមុននេះ មូរ៉េ ក្នុងនាមជាកីឡាករលំដាប់ទី២ពិភពលោកបានប្រកាសដកខ្លួនពី French Open ដោយលើកហេតុផលថាខ្លួនមានបញ្ហាឆ្អឹងខ្នង ។ ឯកីឡាករអាមេរិក២រូបផ្សេងទៀតគឺម៉ាឌី ហ្វ៊ីស និងប្រាយអាន់ បេគ័រ ក៏បានប្រកាសដកខ្លួនផងដែរ ៕
ចែករំលែកព័តមាននេះ