ខេត្តកំពត ៖ រថយន្តកូរ៉េប្រភេទ១តោនកន្លះច្នៃទ្រុងរបស់នាយក្រួចដែលដឹកឧបករណ៍ភ្លេងមកពីលេងនៅតំបន់ពេជ្រនិល កាលពីយប់មិញ បានបុកកូនក្មេងឈ្មោះយ៉ាប់ តាន់ អាយុ១៣ឆ្នាំ ជាខ្មែរអុិស្លាម ម្នាក់កំពុងជិះកង់ស្របទិសគ្នា បណ្តាលឱ្យរបួសធ្ងន់ ហើយស្លាប់ពេលបញ្ជូនដល់មន្ទីរពេទ្យបង្អែកខេត្តកំពត ។
ហេតុការណ៍គ្រោះថ្នាក់ចរាចរណ៍នេះ កើតឡើងវេលាម៉ោង៧និង៣០នាទីព្រឹកថ្ងៃទី២៤ ឧសភា ២០១៣ តាមបណ្តោយផ្លូវជាតិលេខ៣ ចំណុចភូមិព្រែកត្នោត ឃុំព្រែកត្នោត ស្រុកទឹកឈូ ។
ប្រភពព័ត៌មានឱ្យដឹងថា រថយន្តរបស់នាយក្រួចដឹកឧបករណ៍ឆ្លងតាមទិសពីលិចទៅកើត មកដល់ចំណុចកើតហេតុក៏បុកក្មេងជិះកង់ បណ្តាលឱ្យរបួសធ្ងន់ហើយស្លាប់ពេលបញ្ជូនដល់មន្ទីរពេទ្យបង្អែកខេត្តកំពត ចំណែកឯឡានក៏បានរេចង្កូតធ្លាក់ស្នាមភ្លោះទើរក្បែរគុម្ពឫស្សី បណ្តាលឱ្យអ្នករួមដំណើរ៨នាក់ជាអ្នកចម្រៀង និងតន្ត្រីកររងរបួសស្រាល តែនាយក្រួចរបួសធ្ងន់បាក់ឆ្អឹងជំនី៣កំណាត់ ៕
ចែករំលែកព័តមាននេះ