រាជធានីភ្នំពេញ៖ ក្មេងស្ទាវមួយក្រុម ជិះម៉ូតូ៦គ្រឿង មានគ្នាជាង១០នាក់ បានមកធ្វើសកម្មភាពដេញវាយបក្សពួកមួយក្រុមទៀតដែលមានគ្នា៦នាក់ ជិះម៉ូតូពីរគ្រឿង ពីចំណុចមជ្ឈមណ្ឌលកោះពេជ្រ រហូតមកដល់ចំណុចផ្លូវម៉ៅសេទុង កែងមុនីរ៉េត ស្ថិតក្នុងសង្កាត់បឹងសាឡាង ខណ្ឌទួលគោក ដោយសារបក្សពួកម្ខាងមានការភ័យស្លន់ស្លោរនឹងតក់ស្លត់ពេក ក៏ផ្ទួលម៉ូតូចោល ហើយរត់ទៅលាក់ខ្លួន ព្រោះខ្លាចក្រុមក្មេងស្ទាវដែលមានគ្នាជាង១០នាក់ បំពាក់ដោយដាវសាំម៉ូរៃនោះ វាយសម្លាប់ ខណៈនោះក្រុមក្មេងស្ទាវដែលជាបក្សពួកបង្កហេតុតខឹងកាប់មនុស្សមិនបានក៏កាប់ម៉ូតូវាយកម្ទេចខ្ទេចម៉ត់ដូចកំប៉ុងអេតចាយ ហើយពួកគេក៏នាំគ្នាជិះម៉ូតូទៅវិញបាត់អស់។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង ១២នឹង៣០នាទីយប់ រំលងអាធ្រាត្រឈានចូលថ្ងៃទី២៤ ឧសភា ២០១៣។
សូមបញ្ជាក់ថា ម៉ូតូដែលក្រុមក្មេងស្ទាវខាងលើបានធ្វើការវាយកម្ទេចនេះ មួយគ្រឿងម៉ាក សេ១២៥ និងមួយគ្រឿងទៀតម៉ាកសេ១១០។ ក្រោយកើតហេតុ ជនរងគ្រោះបានទៅដាក់ពាក្យបណ្តឹងនៅទីស្នាក់ការប៉ុស្តិ៍បឹងសាឡាង ដើម្បីសុំការអន្តរាគមន៍ចាប់ខ្លួនជនបង្ក៕
ចែករំលែកព័តមាននេះ