ប្រភពព័ត៌មានប៉ូលិសគូសបញ្ជាក់ថា មនុស្សយ៉ាងតិច១២នាក់បានត្រូវស្លាប់កាលពីព្រឹកថ្ងៃទី២៣ ឧសភា ក្នុងការវាយប្រហារដោយគ្រាប់បែកមួយប្រឆាំងកងកម្លាំងសន្តិសុខប៉ាគីស្ថាននាជាយក្រុងកេតា ទីប្រជុំជននៃខេត្តបាលូតជីស្ថាន។អ្នកទទួលខុសត្រូវមូលដ្ឋានម្នាក់និយាយថា គ្រាប់បែកមានគ្រឿងផ្ទុះប្រមាណជា១០០គីឡូក្រាមដែលលាក់នៅចិញ្ចើមថ្នល់ ត្រូវគេបញ្ជាឱ្យផ្ទុះពេលក្បួនរថយន្តប៉ូលិសមួយមកដល់ ។ មនុស្សយ៉ាងតិច១២នាក់បានត្រូវស្លាប់ ក្នុងនោះមានប៉ូលិស១១នាក់ ។
មនុស្សប្រមាណជា១០នាក់ក៏ត្រូវរបួសដែរ ក្នុងការវាយប្រហារនោះ ។ខេត្តបាលូតជីស្ថានសម្បូរដោយប្រេងកាត និងឧស្ម័ន ស្ថិតនៅជាប់ព្រំដែនអីុរ៉ង់ និងអាហ្វហ្គានីស្ថាន តែងកើតមានការវាយប្រហារសំដៅជាពិសេសលើសហគមន៍ស៊ីអីុតភាគតិច ព្រមទាំងការវាយប្រហារនានារបស់ពួកតាលីបង់ និងក្រុមបះបោរមូលដ្ឋានមួយ ៕
ចែករំលែកព័តមាននេះ