ខេត្តស្ទឹងត្រែង៖ព្រឹកថ្ងៃទី ២៣ ឧសភា ២០១៣ នៅសាលាក្រុងស្ទឹងត្រែងបានប្រកាសតែងតាំងអភិបាលនិងអភិបាលរងក្រុង ដើម្បីសម្រួលភារកិច្ចមន្ត្រីរាជការរដ្ឋបាល ដែលប្រព្រឹត្តទៅក្រោមអធិបតីភាពលោកកុល សំអុល អភិបាលខេត្ត។
នៅក្នុងពិធីប្រកាសតែងតាំងនេះមានការអញ្ជើញចូលរួមពីសំណាក់ក្រុមប្រឹក្សាក្រុង ស្រុក មេបញ្ជាការ មេបញ្ជាការរងកងកម្លាំងប្រដាប់អាវុធទាំងបីប្រភេទ មន្ត្រីរាជការជុំវិញខេត្ត ព្រមទាំងអង្គការស្ថាប័នក្រៅរដ្ឋាភិបាល អាជីវករនៅក្នុងខេត្តយ៉ាងច្រើនកុះករ។ក្នុងនោះលោ ប៊ុន ណារី អតីតអភិបាលរងក្រុង ត្រូវចូលកាន់ដំណែងជាអភិបាលក្រុង ជំនួសលោកផឹក សុបិន ខណៈលោក ផឹក សុបិន ទៅជាមន្ត្រីការងារនៅសាលាខេត្ត ហើយលោកស្រីកង សាវ៉ន ត្រូវតែងតាំងជាអភិបាលរងក្រុងសម្រាប់អាណត្តិទី២ នៅក្នុងដែនសមត្ថកិច្ច និងលោកសាយ កុសល ត្រូវតែងតាំងជាអភិបាលរងក្រុង ចំណែកលោក ស៊ី សួន អភិបាលស្រុកសៀមប៉ាងត្រូវតែងតាំងជាអភិបាលស្រុកសៀមប៉ាងសម្រាប់អាណត្តិទី២ ៕
ចែករំលែកព័តមាននេះ