ខេត្តពោធិ៍សាត់ ៖ ផ្ទះស្រ្តីមេម៉ាយក្រីក្រម្នាក់ធ្វើអំពីឈើដំបូលប្រក់ស័ង្កសី ទំហំ ៣ម៉ែត្រ x ៤ម៉ែត្រ ត្រូវភ្លើងឆេះអស់សល់តែផេះផង់ ខណៈពេលដាំបាយរួចមិនពន្លត់ភ្លើងចង្រ្កាន ហើយដើរទៅដេកផ្ទះគេ ដែលហេតុការណ៍នេះ បានកើតឡើងកាលពីវេលាម៉ោងជិត ៦ល្ងាច ថ្ងៃទី២១ ឧសភា ២០១៣ នៅភូមិក្សេត្របូរី ឃុំសន្រ្ទែ ស្រុកភ្នំក្រវាញ ។
ស្រ្តីរងគ្រោះជាម្ចាស់ផ្ទះមានឈ្មោះ សែន លឹម អាយុ ៤៨ឆ្នាំ ជាស្រ្តីមេម៉ាយមានកូនប្រុសស្រី ៤នាក់ បានរៀបរាប់ឱ្យដឹងថា ដោយសារផ្ទះរបស់គាត់នៅចុងភូមិឆ្ងាយពីគេ ហើយគាត់ជាស្រ្តីមេម៉ាយកូននៅតូចៗទៀតនោះ គាត់មិនហ៊ានដេកនៅផ្ទះទេ គឹតែងតែទៅដេកនៅផ្ទះបងប្អូនដែលមានផ្ទះនៅក្បែរគ្នា ។ នៅល្ងាចនោះ ពេលហូបបាយរួច គាត់ និងកូន នាំគ្នាទៅដេកនៅផ្ទះបងប្អូនដូចសព្វដង ពេលកំពុងជជែកគ្នាលេងស្រាប់តែក្មេងដេញគោក្របីរត់មកប្រាប់ថាផ្ទះរបស់គាត់ត្រូវភ្លើងឆេះ ។
ភ្លាមនោះ គាត់បានរត់ទៅយ៉ាងលឿន ប៉ុន្តែ ពេលទៅដល់ភ្លើងឆេះសន្ធោសន្ធៅគ្របដណ្តប់ផ្ទះទាំងមូលបាត់ទៅហើយ ៕
ចែករំលែកព័តមាននេះ