នាយករដ្ឋមន្ត្រីចិន លោក LI KEQIANG ពេលជួបជាមួយប្រធានាធិបតីបា៉គីស្ថាន លោកអាស៊ីហ្វ អាលី ហ្សាដារី ថ្លែងកាលពីថ្ងៃទី២២ ឧសភា នៅក្រុងអីុស្លាម៉ាបាដថា ប្រទេសចិន និងប៉ាគីស្ថាន នឹងជាដៃគូ ព្រមទាំងជាបងប្អូនគ្នាជារៀងដរាប ។ លោក LI គូសបញ្ជាក់ថា ទំនាក់ទំនងជិតខាងល្អរវាងចិន និងប៉ាគីស្ថាន ពុំត្រឹមតែផ្តល់ប្រយោជន៍សម្រាប់ប្រទេសទាំង២ប៉ុណ្ណោះទេ ប៉ុន្តែក៏សម្រាប់អាស៊ី និងពិភពលោកផងដែរ ។
លោកអះអាងថា ទស្សនកិច្ចនេះរបស់លោកគឺសំដៅធ្វើការជាមួយប៉ាគីស្ថាន ដើម្បីបើកទំព័រថ្មីមួយក្នុងទំនាក់ទំនងទ្វេភាគី គូសវាសមាគ៌ាថ្មីសម្រាប់កិច្ចសហប្រតិបត្តិការទេ្វភាគី ហើយពង្រឹងថែមទៀតនូវមិត្តភាពជាប្រពៃណីរវាងប្រទសទាំង២ ។ ចិនសន្យាពង្រឹងភាពជាដៃគូកិច្ចសហប្រតិបត្តិការយុទ្ធសាស្ត្រជាមួយប៉ាគីស្ថាន ។
ចំណែកលោកហ្សាដារីវិញមានប្រសាសន៍ថា ការថែរក្សាមិត្តភាពជាមួយចិនគឺជាកុងសង់ស៊ុសមួយរបស់គ្រប់គណបក្សនយោបាយប៉ាគីស្ថានទាំងអស់ និងថាប៉ាគីស្ថានចង់ធ្វើការជាមួយចិនដើម្បីធ្វើឱ្យស៊ីជម្រៅដល់ភាពជាដៃគូកិច្ចសហប្រតិបត្តិការយុទ្ធសាស្ត្រ ។
នាយករដ្ឋមន្ត្រីចិនបានមកដល់ទីក្រុងអីុស្លាម៉ាបាដ កាលពីថ្ងៃទី២២ ឧសភា ដើម្បីបំពេញទស្សនកិច្ចជាផ្លូវការមួយនៅប៉ាគីស្ថាន បន្ទាប់ពីទស្សនកិច្ចរបស់លោកនៅប្រទេសឥណ្ឌាមក ៕
ចែករំលែកព័តមាននេះ