យោងតាមសេចក្តីប្រកាសជាផ្លូវការមួយថា ប្រទេសអារ៉ាប៊ីសាអ៊ូឌីត កាលពីថ្ងៃទី២២ ឧសភា រៀបរាប់ពីការស្លាប់នៃមនុស្សទី១៧ក្នុងចំណោមមនុស្សទាំង៣១នាក់ ដែលឆ្លងវីរុស CORONA ថ្មី ជំរឿនឃើញក្នុងប្រទេស ។អ្នកស្លាប់ទី១៧ដោយសារវីុរសនោះជាជនបរទេសម្នាក់ស្លាប់នៅតំបន់អាល់ កាស៊ីម ក្រោយបញ្ជូនមកមន្ទីរពេទ្យកាលពីប៉ុន្មានថ្ងៃមុននេះ ។
រូបគេមានបញ្ហាផ្លូវដង្ហើមធ្ងន់ធ្ងរដូចអ្នកកើតជំងឺ SRAS មុនពេលគេស្លាប់កាលពីថ្ងៃទី២១ ឧសភា ។ យោងតាមក្រសួងសុខាភិបាលអារ៉ាប៊ីសាអ៊ូឌីតថា ភាគច្រើននៃមនុស្សស្លាប់ដោយសារវីរុសនោះជាមនុស្សចាស់ ឬមនុស្សដែលមានជំងឺរ៉ាំរ៉ៃ ។
ចាប់តាំងពីឆ្នាំមុនមក មនុស្សជាច្រើនសិបនាក់បានឆ្លងវីរុស CORONA ថ្មី ។ អ្នកកើតជំងឺនេះ ភាគច្រើនមានដើមកំណើតនៅហ្ស៊កដានី អារ៉ាប៊ីសាអ៊ូឌីត កាតា និងអង់គ្លេស ។ របៀបឆ្លងវីរុសនោះ ព្រមទាំងមូលហេតុនៃការឆ្លងនៅពុំទាន់ដឹងនៅឡើយ ៕
ចែករំលែកព័តមាននេះ