រាជធានីភ្នំពេញ៖ មនុស្ស៤នាក់ ត្រូវរងរបួសធ្ងន់ស្រាល ខណៈដែលពួកគេជិះម៉ូតូ២គ្រឿង មួយគ្រឿងម៉ាក វីវ៉ា ពណ៌ខ្មៅ ពាក់ស្លាកលេខកណ្តាល 1J-7608 ធ្វើដំណើរតាមបណ្តោយផ្លូវរដ្ឋសភា ក្នុងទិសដៅពីកើតទៅលិច ខណៈមកដល់ចំណុចផ្លូវកែងសុធារស ក៏បានជ្រុលបុកជាមួយយុវជន៣នាក់ ដែលកំពុងជិះម៉ូតូវ៉េវ ពណ៌ខ្មៅ ពាក់ស្លាកលេខកំពង់ចាម 1E-3605 បណ្តាលឲ្យម្ចាស់ម៉ូតូទាំងពីរគ្រឿងរងរបួសធ្ងន់ស្រាល នឹងម៉ូតូរងការខូចខាត។ ហេតុការណ៍នេះបានកើតឡើងកាលពីវេលាម៉ោង ១១នឹង០០នាទីយប់ ថ្ងៃទី២២ ឧសភា ២០១៣ នៅតាមបណ្តោយផ្លូវរដ្ឋសភា កែងផ្លូវសុធារស ស្ថិតក្នុងសង្កាត់ទន្លេបាសាក់ ខណ្ឌចំការមន។
ក្រោយកើតហេតុ ម៉ូតូទាំងពីរគ្រឿងត្រូវសមត្ថកិច្ចដកយកទៅរក្សាទុកនៅអធិការដ្ឋាននគរបាលខណ្ឌចំការមន៕
ចែករំលែកព័តមាននេះ