វិនិយោគទុនសរុបរបស់ម៉ាឡេស៊ីនៅក្នុងត្រីមាសទី១ឆ្នាំ២០១៣មានចំនួនស្មើនឹង៤៩,៣ពាន់លានរីងហ្គីត(១៦,៣ពាន់លានដុល្លារ)ពោលគឺកើន៤៤%ធៀបនឹងរយៈពេលដូចគ្នាកាលពីឆ្នាំមុន ។នៅក្នុងអំឡុងត្រីមាសទី១នេះមានគម្រោង១.២៤៤ត្រូវបានអនុម័ត ហើយត្រូវបានគេរំពឹងថានឹងបង្កើតការងារ៤២.០០០កន្លែង។ អាជ្ញាធរអភិវឌ្ឍវិនិយោគទុនម៉ាឡេស៊ី(MIDA)និយាយថា វិនិយោគផ្ទាល់ក្នុងស្រុក និងបរទេសបន្តជាសន្ទុះជំរុញសំខាន់បំផុតសម្រាប់សេដ្ឋកិច្ច ។ MIDAជាភ្នាក់ងារសំខាន់របស់រដ្ឋាភិបាលសម្រាប់ការលើកកម្ពស់វិស័យផលិតកម្ម និងសេវាកម្មនៅម៉ាឡេស៊ី ។
លោក Noharuddin Nordin នាយកប្រតិបត្តិ MIDA ថ្លែងថា វិនិយោគទុនសរុបសម្រាប់ត្រីមាសទី១ឆ្នាំនេះកើនបាន៤៤%ច្រើនជាងរយៈពេលដូចគ្នាកាលពីឆ្នាំ២០១២ ដែលនេះជាតួលេខលើកទឹកចិត្តមួយ ។ លោក Nordin បន្តទៀតថា នៅម៉ាឡេស៊ី ដូចយើងដឹងស្រាប់ហើយស្ថិតក្រោមរដ្ឋធម្មនុញ្ញ បញ្ហាដីធ្លីបានធ្លាក់ទៅក្រោមបទប្បញ្ញត្តិនៃច្បាប់របស់រដ្ឋ ។ ដូច្នេះនៅពេលដែលវិនិយោគិនចូលមក គោលដៅរបស់យើងគឺត្រូវនាំវិនិយោគទុនចូលម៉ាឡេស៊ីជំនួសឲ្យការទៅកាន់ប្រទេសដទៃ ។ ពេលស្ថិតនៅប្រទេសម៉ាឡេស៊ី យើងសម្លឹងមើលឱកាសវិនិយោគ ហើយយើងនឹងណែនាំគេពីទីតាំងល្អបំផុតសម្រាប់ការវិនិយោគ ។
ដូច្នេះប្រសិនបើរដ្ឋចាប់អារម្មណ៍ក្នុងការទាក់ទាញវិនិយោគទុនពិសេស គេត្រូវតែប្រាកដថា លក្ខខណ្ឌនៅក្នុងច្បាប់របស់រដ្ឋមានការអនុគ្រោះសម្រាប់ការវិនិយោគ ។វិស័យសេវាកម្មម៉ាឡេស៊ីរួមចំណែកធំបំផុតនៅក្នុងវិនិយោគទុនដែលមានទឹកប្រាក់ចំនួន៧,៣ពាន់លានដុល្លារ បន្ទាប់មកមានវិស័យវត្ថុធាតុដើម ៕
ចែករំលែកព័តមាននេះ