ខេត្តព្រះសីហនុ ៖ បុរសម្នាក់បានរងរបួសធ្ងន់បែកក្បាលសន្លប់នៅនឹងកន្លែងដោយសារត្រូវបុរសម្នាក់ទៀតវាយកាលពីវេលាម៉ោង៤រសៀល ថ្ងៃទី២២ ឧសភា ២០១៣ ត្រង់ចំណុចផែ១៨ ក្រុម១៩ ស្ថិតក្នុងភូមិ៣ (ទំនប់រលក) សង្កាត់១ ក្រុងព្រះសីហនុ ។ ក្រោយពេលកើតហេតុជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត។
តាមប្រភពព័ត៌មានឱ្យដឹងថា បុរសរងគ្រោះឈ្មោះសុខ អាយុប្រហែលជាង២០ឆ្នាំ មានប្រពន្ធជាកម្មការិនីនៅរាជធានីភ្នំពេញ ។ មុនពេលកើតហេតុបុរសរងគ្រោះបានផឹកស្រាស្រវឹង រួចនិយាយឡូឡាឌឺដងឱ្យជនដៃដល់ទើបជនដៃដល់ទ្រាំមិនបានស្ទុះទៅវាយតែម្តង ៕
ចែករំលែកព័តមាននេះ