រាជធានីភ្នំពេញ ៖ បុរសម្នាក់បានរងរបួសធ្ងន់ បន្ទាប់ពីបើករថយន្តជ្រុលទៅបុកបង្គោលគីឡូម៉ែត្រ និងស្លាកហាមចតធ្លាក់ចូលប្រឡាយក្រឡាប់ផ្ងារជើង កាលពីវេលាម៉ោង៣ និង៤០នាទីរសៀល ថ្ងៃទី២២ ឧសភា ២០១៣ នៅខាងកើតផ្សារជម្ពូវ័ន ភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានបានឱ្យដឹងថា មុនពេលកើតហេតុគេឃើញរថយន្តរ៉ង់រ៉ូវែរពណ៌ខ្មៅមួយគ្រឿងបើកពីលិចទៅកើតលើកំណាត់ផ្លូវជាតិលេខ៤ លុះដល់ចំណុចកើតហេតុរថយន្តបានវ៉ាស្តាំវាក់នឹងរថយន្តមួយគ្រឿងទៀតក៏រេចង្កូតបុកបង្គោលគីឡូម៉ែត្រ រួចជ្រុលទៅបុកស្លាកហាមចតធ្លាក់ប្រឡាយក្រឡាប់ផ្ងារជើងតែម្តង ។ អ្នកបើកបររថយន្តរ៉ង់រ៉ូវែរត្រូវបានគេដឹងថា មានអាយុប្រហែល៣០ឆ្នាំ បានរងរបួសធ្ងន់ត្រូវគេបញ្ជូនទៅកាន់មន្ទីរពេទ្យដើម្បីសង្គ្រោះ៕
ចែករំលែកព័តមាននេះ