ម្ចាស់មេដាយមាសអូឡាំពិកកីឡា៧វិញ្ញាសានាង Jessica Ennis នឹងបើករដូវកាលថ្មីឆ្នាំ២០១៣ របស់ខ្លួននៅ Meadowbank Sports Centre ក្រុងEdinburgh ប្រទេសស្កុតឡែន នាថ្ងៃទី៨ ខែមិថុនា ខាងមុខនេះ ។ វាជាលើកទី១ហើយដែលអត្តពលិកវ័យ២៧ឆ្នាំរូបនេះចូលរួមក្នុងព្រឹត្តិការណ៍ប្រកួត Athletic Premier Division របស់ចក្រភពអង់គ្លេសចាប់តាំងពីឈ្នះមេដាយមាសអូឡាំពិកទីក្រុងឡុងដ៍ឆ្នាំ២០១២ ។
Ennis នឹងចូលប្រកួតលើវិញ្ញាសារត់ផ្លោះរបារ ចោលលំពែង និងលោតចម្ងាយ ។ នាងបានថ្លែងថា៖«ខ្ញុំកំពុងទន្ទឹងរង់ចាំការវិលចូលទីលានប្រកួតនៅ Meadowbank ។ ឆ្នាំទៅមិញខ្ញុំដណ្ដើមបានលទ្ធផលយ៉ាងល្អ ប៉ុន្តែកីឡាយើងមិនអាចរក្សាអ្វីមួយឱ្យនៅដដែលបានយូរនោះទេ ។ ទោះជាយ៉ាងណាគោលដៅសំខាន់របស់ខ្ញុំគឺព្រឹត្តិការណ៍ World Championships នៅទីក្រុងមូស្គូ ខែសីហា ខាងមុខ ។ ដូច្នេះបច្ចុប្បន្នខ្ញុំបានកំពុងតែប្រឹងប្រែងហ្វឹកហាត់យ៉ាងសកម្មបំផុត» ៕
ចែករំលែកព័តមាននេះ