AFPផ្សាយថាជនជាតិក្រិចបានធ្វើអត្ដឃាតកើនឡើង២៦ភាគរយនៅក្នុងឆ្នាំ២០១១បើប្រៀបធៀបនឹងឆ្នាំ២០១០ ។ មូលហេតុចម្បងមកពីបញ្ហាសេដ្ឋកិច្ច ។ តាមរបាយការណ៍ពិវិទ្យាស្ថានជាតិស្ថិតិរបស់ក្រិចបញ្ជាក់ថា នៅក្នុងអំឡុងឆ្នាំ២០១១ ប្រជាជនបានធ្វើអត្ដឃាតក្នុងប្រទេសក្រិចចំនួន៤៧៧នាក់ កើនឡើងប្រហែល២៦ភាគរយបើប្រៀបធៀបនឹងឆ្នាំ២០១០ និងប្រហែល៨២ភាគរយនៃអ្នកសម្រេចចិត្ដធ្វើអត្ដឃាតជាបុរស ចំណែកតួលេខស្ដ្រីដែលធ្វើអត្ដឃាតបានកើនឡើងចំនួន២ដង មានចំនួន៨៤នាក់នៅក្នុងឆ្នាំ២០១១ ។
គណបក្សសាយរីសា ជាបក្សប្រឆាំងនៅក្នុងប្រទេស និងក្រុម NGO បានឱ្យដឹងថា មូលហេតុចម្បងនៃអត្រាធ្វើអត្ដឃាតនៅក្នុងប្រទេសដែលកើនខ្ពស់មកពីភាពក្រីក្រ ក្រោមស្ថានភាពសេដ្ឋកិច្ចស្ថិតក្នុងសភាពទ្រឹងរបស់ក្រិច ដោយអត្រាអ្នកគ្មានការងារមានចំនួនខ្ពស់ជាង២៥ភាគរយ និងក្នុងរយៈពេល៤ឆ្នាំកន្លងមករដ្ឋាភិបាលបានកាត់បន្ថយការចំណាយដ៏តឹងរ៉ឹងតាមគោលការណ៍កំណត់របស់ក្រុមម្ចាស់បំណុល ជាថ្នូរនឹងការឧបត្ថម្ភពីអន្ដរជាតិ ៕
ចែករំលែកព័តមាននេះ