Benat Intxaustiបានយកឈ្នះដំណាក់ទី១៦ប្រណាំងកង់ Tour of Italy ខណៈកីឡាករម្ចាស់ផ្ទះអុីតាលី Vincenzo Nibali រក្សាការនាំមុខនៅលើតារាងថិរវេលាសរុបជាដដែល ។ជាអ្នកជិះកង់ឱ្យក្រុម Movistar Team Intxausti ដែលធ្លាប់បានគ្រងអាវកាក់ពណ៌ផ្កាឈូកកាលពីដំណាក់ទី៨ បានយកឈ្នះកីឡាករ Tanel Kangert និងកីឡាករ Przemyslaw Nimice លើដំណាក់ផ្លូវដែលមានចម្ងាយ២៣៨គីឡូ ម៉ែត្រ ។
ខណៈនៅសល់ចម្ងាយផ្លូវ៣គីឡូម៉ែត្រ Instxausti ត្រូវរងការវាយប្រហារពីកីឡាករទាំង២នាក់នេះ តែការអត់ធ្មត់របស់គេបាននាំមកនូវភាពជោគជ័យ ។ គេបានថ្លែងថា «ខ្ញុំបានធ្វើចិត្តឱ្យត្រជាក់ ហើយបណ្តោយឱ្យពួកគេធ្វើតាមអំពើចិត្ត ។ ខណៈនៅសល់ចម្ងាយផ្លូវ៣០០ម៉ែត្រ ខ្ញុំនឹកថា ដល់ពេលខ្ញុំត្រូវធ្វើកិច្ចការសម្រាប់ខ្លួនឯងហើយ »៕
ចែករំលែកព័តមាននេះ