សម្តេចនាយករដ្ឋមន្រ្តី ហ៊ុន សែន បានមានប្រសាសន៍ដោយរំពឹងថា នៅឆ្នាំ២០១៣នេះ ភ្ញៀវទេសចរបរទេសដែលចូលមកកំសាន្តនៅកម្ពុជា នឹងកើនលើស៤លាននាក់ ក្នុងនោះ៣ខែឆ្នាំ២០១៣នេះ ភ្ញៀវទេសចរមានចំនួនជាង១លាន១សែននាក់ ។
ប្រសាសន៍សម្តេចអគ្គមហាសេនាបតីតេជោ ហ៊ុន សែន យ៉ាងដូច្នេះបានធ្វើឡើងនៅព្រឹកថ្ងៃទី២២ ឧសភា ២០១៣ ក្នុងឱកាសដែលសម្តេចតេជោ បានអញ្ជើញជាអធិបតីសម្ពោធដាក់ឲ្យប្រើបា្រស់ជាផ្លូវការនូវសមិទ្ឋផលនានាក្នុងខេត្តកែប ។
ក្នុងឱកាសនោះដែរ សម្តេចប្រមុខរាជរដ្ឋាភិបាលក៏បានអំពាវនាវឲ្យប្រជាពលរដ្ឋ អាជីវករ និង អាជ្ញាធរខេត្តកែប ត្រូវយកចិត្តទុកដាក់ឲ្យបានខ្លាំងចំពោះភ្ញៀវទេសចរ ។ ជាមួយគ្នានេះដែរ សម្តេចនាយករដ្ឋមន្រ្តី ហ៊ុន សែន ក៏បានអំពាវនាវឲ្យអាជីវករទំាងអស់មិនត្រូវលក់កោរ និងថ្លៃហួសហេតុនោះទេ ៕
ចែករំលែកព័តមាននេះ