សារព័ត៌មានបរទេសផ្សាយថា តារាអាសអាភាសសហរដ្ឋអាមេរិក កំពុងទទួលផលប៉ះពាល់ពីធនាគារជាច្រើននៅអាមេរិក ដែលរើសអើងបដិសេធមិនទទួលប្រាក់បញ្ញើ និងផ្ដល់ប្រាក់កម្ចី ព្រោះយល់ថាប្រាក់ដែលពួកនាងទទួលបានជាប្រាក់កខ្វក់ ខុសសីលធម៌ក្នុងសង្គម ។
នៅក្នុងរបាយការណ៍បញ្ជាក់ថា នាងឆានេល ប្រេស្ដុន តារាអាសអាភាសដែលសម្ដែងបានជាង១៥០រឿង តែបានបោះបង់អាជីពរបស់ខ្លួនទៅហើយនោះ ជួបនឹងឧបសគ្គរឿងបញ្ជីគណនីរបស់ខ្លួននៅក្នុងធនាគារ «ស៊ីទី ណាស្យូណល ប៊ែង» ព្រោះត្រូវគេបិទ ដោយអ្នកចាត់ការទូទៅក្នុងធនាគារផ្ដល់ហេតុផលថា ធនាគារបារម្ភខ្លាចបាត់បង់កេរ្ដិ៍ឈ្មោះដែលទទួលប្រាក់បញ្ញើរបស់នាង ។
កាលពីមុននេះ នាងឆានេល ប្រេស្ដុន ទទួលរងការបដិសេធផ្ដល់ប្រាក់កម្ចីពីធនាគារ ព្រោះអាជីពរបស់ខ្លួន ។ នាងនិយាយថា ទោះបីជារបររបស់នាងមិនល្អ ប៉ុន្ដែស្របច្បាប់ ។
អ្នកបង្កើតស្ទូឌីយោភាពយន្ដអាសអាភាសម្នាក់បានប្ដឹងធនាគារ «ជេភី ម័រហ្គេន» ក្នុងទីក្រុងឡូសអេនចឺឡេស ពីបទល្មើសច្បាប់ផ្ដល់ប្រាក់កម្ចី និងប្រតិបត្ដិលើនយោបាយរើសអើង មិនយល់ព្រមឱ្យអ្នកមានអាជីពជាតារាអាសអាភាសខ្ចីប្រាក់ ។ បច្ចុប្បន្នតុលាការកំពុងពិចារ ណាថា តើធនាគារប្រតិបត្ដិលើអ្នកមានអាជីពជាតារាអាសអាភាសបែបនោះត្រឹមត្រូវឬអត់ ។
ឧស្សាហកម្មភាពយន្ដអាសអាភាសក្នុងសហរដ្ឋអាមេរិករកចំណូលមធ្យមក្នុងមួយឆ្នាំ១៤.០០០លានដុល្លារ ប៉ុន្ដែធនាគារចេញគោលការណ៍នោះកំពុងផ្ដល់ការប៉ះពាល់ ហើយអ្នកវិភាគបញ្ជាក់ថា តើការប្រកាន់យកគោលការណ៍មិនទទួលប្រាក់បញ្ញើដ៏ធំពីឧស្សាហកម្មអាសអាភាសជារឿងចំណេញ ឬខាត ៕
ចែករំលែកព័តមាននេះ