ប្រភពពីមន្រ្តីសាលាឧទ្ឋរណ៏បានឲ្យដឹងថា នៅព្រឹកថ្ងៃទី២៣ ឧសភា ២០១៣នេះ សាលាឧទ្ឋរណ៏នឹងបើកសវនាការលើសំណុំរឿងចែកចាយរូបអាសអាភាសដែលប្រព្រឹត្តដោយអតីតសង្ឃកំហូច នេត ខៃ ។
គួររំលឹកថា កាលពីថ្ងៃទី១៧ កញ្ញា ២០១០សាលាដំបូងរាជធានីភ្នំពេញបានប្រកាសសាលក្រមផ្តន្ទាទោសអតីតសង្ឃ នេត ខៃ ដាក់ពន្ឋនាគារ០១ឆ្នាំ និង ផាកពិន័យជាបា្រក់២លានរៀលចូលថវិការដ្ឋ ព្រមទំាងបង្គាប់ឲ្យសងជម្ងឺចិត្តជនរងគ្រោះ៤០លានរៀល ពីបទចែលចាយរូបភាពអាសអាភាស ដែលបានប្រព្រឹត្តកាលពីចន្លោះឆ្នាំ២០០៨ដល់ឆ្នាំ២០០៩ ។
អតីតសង្ឃ នេត ខៃ បច្ចប្បន្នអាយុ៤០ឆ្នាំ ធ្លាប់គង់នៅវត្តស្រះចក ខណ្ឌដូនពេញ ត្រូវបានសមត្ថកិច្ចចាប់ខ្លួនកាលពីអំឡុងខែកក្កដា ២០១០ ក្រោយពីបានលួចថតរូបស្រ្តីអាក្រាតកាយងូតទឹកមន្តជាច្រើននាក់ ហើយរូបភាពអាសអាភាសនេះបានត្រូវគេចែកចាយបន្ត(បាញ់ប្ល៊ូធូ) និងត្រូវបានជនរងគ្រោះមួយចំនួនដាក់ពាក្យប្តឹងទៅសមត្ថកិច្ចនោះរួចមក ៕
ចែករំលែកព័តមាននេះ