បន្ទាប់ពីដើរដល់ផ្លូវបំបែកខណ្ឌចែកបេះដូងជាមួយតារាសម្ដែង និងចម្រៀង Aaron Kwok មក តារាសម្ដែង និងបង្ហាញម៉ូដចិននាង Lynn Xiong ហាក់ដូចជាខ្លាចរអា ពាក្យស្នេហាដែលបានជាន់ឈ្លីញាំញីបេះដូងរបស់នាងឱ្យឈឺផ្សាឥតល្ហែធ្វើឱ្យនាងកាន់តែអស់សង្ឃឹមក្នុងឆាកជីវិត ។
តារាចម្រៀងដែលមានដើមទ្រូងសិចស៊ីរូបនេះនិយាយថា «ខ្ញុំលែងហ៊ានសុបិនចំពោះការចាប់ផ្ដើមផ្សងរកស្នេហ៍ថ្មី ឬក៏ការរៀបចំអាពាហ៍ពិពាហ៍តទៀតហើយ ពីព្រោះការសុបិននេះ ជួនកាលធ្វើឱ្យខ្ញុំខកចិត្ត» ។នៅក្នុងកិច្ចសម្ភាសន៍ជាមួយអ្នកសារព័ត៌មានចិន Shanghai Morning Post តារាសម្ដែងវ័យ៣២ឆ្នាំរូបនេះនិយាយថា «ការទាក់ទងគ្នារយៈពេល៧ឆ្នាំរវាងខ្ញុំ និងលោក Aaron kwok បានបញ្ចប់សព្វគ្រប់ហើយតាំងពីពាក់កណ្ដាលខែមេសាមកម្លេ៉ះ ហើយចាប់ពីពេលនេះតទៅខ្ញុំនឹងរស់នៅក្នុងពិភពលោកថ្មីមួយទៀតដែលខ្ញុំអាចធ្វើអ្វីៗទៅតាមចំណង់ចំណូលចិត្តរបស់ខ្ញុំដោយពុំមានការរងសម្ពាធអ្វីឡើយ» ។
ទាក់ទិនទៅនឹងមូលហេតុនៃការបែកបាក់ស្នេហាមិនត្រូវបាននាងប្រាប់ឱ្យដឹងលម្អិតទេ ដោយគ្រាន់តែដឹងថា អាចមានមនុស្សទី៣ចូលជ្រៀតជ្រែកស្នេហ៍របស់នាង ក៏ប៉ុន្តែលោក Aaron Kwok វិញនិយាយថា «ការជ្រើសរើសគូកំណាន់ចិត្តខុសគឺប្រៀបដូចជាការពាក់ស្បែកជើងខុសទំហំអីុចឹង» ៕
ចែករំលែកព័តមាននេះ