អ្នកគូររូបត្លុកព្រះមហាម៉ាត់ជនជាតិដាណឺម៉ាកទទួលពានរង្វាន់ M100 MEDIA PRIZE
ដោយ ៖ ប្រុសកោះ
ថ្ងៃព្រហស្បត្ត៏ ទី៩ ខែកញ្ញា ឆ្នាំ២០១០ ម៉ោង ១៧:៤១
គេហទំព័របរទេស
អ្នកគូរូបត្លុកពេលទទួលរង្វាន់
អធិការបតីអាល្លឺម៉ង់ លោកស្រីអេនហ្សុឺឡាម័រកេល កាលពីថ្ងៃទី៨ កញ្ញា បានអញ្ជើញទៅផ្ទាល់ជួបជាមួយអ្នកគូររូបត្លុកជនជាតិដាណឺម៉ាក់លោក KURT WESTERGAARD ក្នុងឱកាសពិធីប្រគល់ពានរង្វាន់ M100 MEDIA PRIZE ដល់អ្នកគូររូបត្លុករូបនេះដែលរូបត្លុករបស់លោកអំពីព្រះមហាម៉ាត់បង្កឱ្យមានប្រតិបត្តិកម្មដោយខឹងសម្បាជួនកាលដោយហិង្សាផងក្នុងប្រទេសអ៊ិស្លាមមួយចំនួនកាលពី៥ឆ្នាំមុននេះ។
លោក KURT WESTERGAARD ដែលរូបត្លុករបស់លោកអំពីព្រះមហាម៉ាត់ចេញផ្សាយដំបូងដោយកាសែតដាណឺម៉ាក JYLLANDS-POSTEN កាលពីដំណាច់ឆ្នាំ២០០៥បានថ្លែងអំណរគុណចំពោះលោកស្រីអេនហ្សឺឡាម័រកែលនិងបណ្តាអ្នករៀបចំពានរង្វាន់ M100 MEDIA PRIZE ក្រោយពីលោកទទួលពានរង្វាន់នេះមក។
អ្នកគូររូបនេះដែលមានអាយុ៧៥ឆ្នាំទៅហើយថ្លែងថា លោករស់នៅស្រួលទេទោះបីមានការគំរាមកំហែងនានាក៏ដោយ។ លោកបន្តថា ការចេញផ្សាយរូបត្លុកទាំងនេះគឺធ្វើដោយគោរពរួចដោយពុំមែនគោរពចំពោះសហគមន៍អ៊ិស្លាមឡើយ ហើយនេះគ្រាន់តែជាអំពើសមាហរណកម្មមួយប៉ុណ្ណោះ ពុំមែនជាការបដិសេធឡើយ។
កាសែតអភិរក្សនិយមរបស់អាល្លឺម៉ង់ FRANKFURTER ALLGEMEINE ZEITUNG សរសេរថា ប្រការដែលលោកស្រីឈរថតរូបនៅក្បែរលោក KURT WES- TERGAARD លោកស្រីម័រកែល ប្រឈមមុខនឹងគ្រោះថ្នាក់យ៉ាងធំមួយ។ ពិតណាស់នោះជាការជួបគ្នាយ៉ាងក្តៅគគុកមួយនៃអាណត្តិរបស់លោកស្រីរហូតមកទល់ពេលនេះ៕
