គជប ទទួលយកឲ្សសំណើ និងជួបលោកស៊ូប៊ែរឌី នៅថ្ងៃទី២១ ឧសភា

ប្រភពពីមន្រ្តី​នៃគណៈកម្មាធិការ​ជាតិរៀបចំការ​បោះឆ្នោត​(គជប)​ បានឲ្យកោះសន្តិភាព​ដឹងនៅរសៀល​ថ្ងៃទី១៩ ​ឧសភា ២០១៣នេះថា​ គជប យល់ព្រម​តាម​សំណើ​របស់​អ្នកសរសរ​របាយការណ៏​ពិសេសស្តីពី​សិទ្ឋិមនុស្សអង្គការសហប្រជាជាតិ​ប្រចំាកម្ពុជា​ លោក សូរិយ៉ា ស៊ូប៊ែរឌី​ និង អនុញ្ញាតឲ្យប្រេសិតពិសេស​អង្គការសហប្រជាជាតិ​រូប​នេះ​ជួបនៅម៉ោង៩និង៣០​នាទីព្រឹក​ ថ្ងៃទី២១ ឧសភា​ ២០១៣​ នៅទីស្នាក់ការកណ្តាល​គជប ដែលស្ថិតក្នុងបរិវេណ​ក្រសួងមហាផ្ទៃ​ ។ 

អ្នកសរសេរ​របាយការណ៏ពិសេស​​ស្តីពីសិទ្ឋិមនុស្ស​របស់អង្គការ​​សហប្រជាជាតិ​ប្រចំាកម្ពុជា​​ លោក សូរិយ៉ា បា្រសាទ ស៊ូប៊ែរឌី​​ ផ្តើមដំណើរ​ទស្សនកិច្ច​​នៅកម្ពុជា​នាវេលា​ថ្ងៃទី​១៩​ ឧសភា​ ២០១៣នេះ​ ។

យោងតា​ម​សេចក្តីប្រកាស​ព័​ត៌មាន​របស់ការិយាល័យ​​ឧត្តមស្នងការ​សិទ្ឋិមនុស្ស​​អង្គការសហប្រជាជាតិ​​ប្រចំាទីក្រុងហ្សឺណែវ​​ប្រទេសស្វីស​​ បានឲ្យដឹងថា​​ គោលបំណង​​សំខាន់​​​នៃ​​ដំណើរ​​បំពេញ​ទស្សនកិច្ច​​លើកទី៩​​ របស់លោកស៊ូប៊ែរឌី​នៅកម្ពុជានេះ​ គឺមកតាមដាន​ការអនុវត្ត​​នូវអនុសាសន៏​​របស់លោកមុនៗ​​ ស្តីពីការកែទម្រង់​​មួយចំនួន​ដើម្បី​ធ្វើ​ឲ្យ​ប្រសើរឡើង​​​នៃដំណើរការ​​បោះឆ្នោត​ ក៏ដូចជា​ការ​កែសម្រួល​ឡើងវិញ​​នូវការប្រគល់​ដី​សម្បទានសេដ្ឋកិច្ច​​ ។

សេចក្តីប្រកាស​ព័ត៌មាន​​របស់អង្គការ​សហប្រជាជាតិ​​ដដែល​ក៏បានបញ្ជាក់ឲ្យ​ដឹងទៀត​ថា​ ក្នុងដំណើរទស្សនកិច្ចនេះដែ​រ​ លោកស៊ូប៊ែរឌី​ ​មានកម្មវិធី​ជួបជាមួយ​​​សម្តេចនាយក​រដ្ឋមន្រ្តី ហ៊ុន សែន​​ មន្រ្តីរាជរដ្ឋាភិបាល​​ និង តំណាង​អង្គការ​ក្រៅរដ្ឋាភិបាល​មួយចំនួន​​។

គេនៅមិនទាន់ដឹងថា​​តើសម្តេចអគ្គមហា​សេនាបតីតេជោ​​ ហ៊ុន សែន​ នឹងអនុញ្ញាតឲ្យ​លោកស៊ូប៊ែរឌី​​ ចូលជួប​សម្តែង​ការគួរសម​​និងពិភាក្សាការងារដែរ​ ឬ ក៏យ៉ាង​ណា​នោះ​​ទេ ? ពីព្រោះ​សម្តេចនាយករដ្ឋមន្រ្តី​​ ហ៊ុន សែន​ កាលពីឆ្នាំមុន​​ បានហៅអនុសាសន៏​ខាងលើរបស់​លោកស៊ូរប៊ែរឌី​ថា​ គ្មានមូលដ្ឋាន​​ច្បាស់លាស់​​និងពឹងផ្អែក​តែ​​លើរបាយ​ការណ៏​របស់​អង្គការ​ក្រៅ​រដ្ឋាភិបាល​​ និងបក្សប្រឆាំង​​ ព្រមទំាង​​មិនបានជួបលោកស៊ូប៊ែរឌី​ ​ដូចតាមកម្មវិធីដែល​បានគ្រោងទុក​នោះទេ​ ដោយសម្តេចប្រកាស​​ជាសាធារណៈ​​ថា សម្តេចពុំមាន​​ពេលវេលា​ និងជាប់បំពេញ​ការងារ​ប្រចាំថ្ងៃ​​ក្នុងការដឹកនំារាជ​រដ្ឋាភិបាល​ ។

គួរបញ្ជាក់ថា​​ លោក សូរិយ៉ា បា្រសាទ ស៊ូប៊ែរឌី​ ​ជាជនជាតិនេប៉ាល់​​និងជាសាស្រ្តាចារ្យផ្នែកច្បាប់​​ ត្រូវបានអង្គការ​សហប្រជាជាតិ​តែងតំាង​​ ជាអ្នកសរសេរ​​របាយការណ៏​ពិសេស​ស្តីពីសិទ្ឋិមនុស្ស​​អង្គការសហប្រជាជាតិ​​ប្រចំាកម្ពុជា​​ ជំនួសលោក យ៉ាសហ្កាយ​​ កាលពីខែមីនា​​ ២០០៩កន្លងមក​​ និងជារៀងរាល់៥​ ឬ៦ខែម្តង​​ លោកតែងមក​​បំពេញ​ទស្សនកិច្ច​​នៅកម្ពុជា​​ ដើម្បីអង្កេតមើលពី​​បញ្ហាសិទ្ឋិមនុស្ស​​ និង បញ្ហាមួយចំនួនទៀត​​ ៕

 

 

ខេត្តរតនគិរី​៖ ចៅក្រម​សាលាដំបូង​ខេត្ត លោកស្រី ជ័យ មាលា បាន​ចេញ​ដីកា​ឃាត់ខ្លួន​បុរស​ម្នាក់​ដែល​តាំង​ខ្លួនឯង​ជា​ឧកញ៉ា ​​កាលពី​ព្រឹក​ថ្ងៃ​ទី​២៧ ឧសភា ឆ្នាំ​២០១៥

ខេត្តបន្ទាយមានជ័យ​ ៖ ​ករណី​ហិ​ង្សា​នៅ​ក្រុង​ប៉ោយ​ប៉ែ​ត ​ដែល​បង្ក​ឡើង​ដោយ​ក្រុម​កម្មករ​អូស​រទេះ​ ប្រព្រឹត្ត​ទៅ​កាលពី​ថ្ងៃ​ទី​២៥ ឧសភា​ ២០១៥ ​ធ្វើ​ឲ្យ​ខូច​ខាត​​យ៉ាងធ្ងន់ធ្ងរ​ដល់​ប៉ុស្តិ៍​យាម ​និង​អគារ​ការិយាល័យ​គយ​

រាជ​ធានី​ភ្នំពេញ​ ៖ នារី​ម្នាក់​ដែល​អះ​អាង​ថា ខ្លួន​ជា​អ្នក​ចម្រៀង​នៅ​ក្រុម​តន្ត្រី​អង្គ​រក្ស​បាន​ធ្វើ​ដំណើរ​មក​លោត​ទឹក​សម្លាប់​ខ្លួន​ពី​លើ​ស្ពាន​ជ្រោយ​ចង្វារ​​ តែ​មិន​បាន​សម្រេច​ដោយ​សារ​​ប៉ូលិស​យាម​ស្ពាន​ឃាត់​ទាន់​។

រាជ​ធានី​ភ្នំពេញ ៖ ​​កម្មករ​​ ​កម្ម​ការិ​នី​ ប្រមាណ​៣០​នាក់​ ដែល​អះអាង​ថា​មក​ពី​រោងចក្រ​បោះ​ពុ​ម្ពហ្វូ​គួ​យ ក្រុមហ៊ុន​ឆាង​តុង​ព្រី​ន​ធី​ង ដែល​មាន​អា​សយ​ដ្ឋា​ន ​នៅ​ភូមិ​ត្នោត​ជ្រុំ ផ្លូវ​ទំនប់​បឹង​ទំពុន សង្កាត់​បឹង​ទំពុន ខណ្ឌមានជ័យ

រាជធានី​ភ្នំពេញ ៖ អនុ​សាខា​កាកបាទក្រហម​ខណ្ឌមានជ័យ កាលពី​វេលា​ព្រឹក​ថ្ងៃ​ទី​២៧ ឧសភា ២០១៥ នេះ បាន​នាំ​យក​អំណោយ​ទៅ​ចែក​ជូន​លោកយាយ​ចំណាស់​ទុរគត​ម្នាក់ ដែល​ស្នាក់​នៅផ្ទះ​ជួល​ក្នុង​ក្រុម​ទី​៧ ភូមិ​ប្ញ​ស្សី សង្កាត់​ស្ទឹង​មាន​ជ័យ ខណ្ឌមានជ័យ

Copyright © 2010 Koh Santepheap Daily, All rights reserved.
Email: info@kspg.co | Online Advertise: ads@kspg.co | Phone: 023 987 118
Hosted by