ខេត្តបាត់ដំបង៖ យុវជនម្នាក់បានស្លាប់ភ្លាមនៅនឹងកន្លែង បន្ទាប់ពីផឹកស៊ីស្រវឹងរួចជិះម៉ូតូបុករថយន្តប្រភេទយីឌុប កាលពីវេលាម៉ោង១និង៣០នាទីរសៀលថ្ងៃទី១៨ ឧសភា ២០១៣ លើផ្លូវជាតិលេខ៥ត្រង់ចំណុចភូមិអូសទូក ឃុំកំពង់ព្រៀង ស្រុកសង្កែ រីឯអ្នកបើករថយន្តដាក់មេប្រូចបាត់ស្រមោល ។
សមត្ថកិច្ចមូលដ្ឋាននិយាយថា ជនរងគ្រោះឈ្មោះកេង សារ៉ាត់ ភេទប្រុស អាយុ២២ឆ្នាំ នៅភូមិក្បាលថ្នល់ ឃុំកំពង់ព្រៀង ស្រុកសង្កែ ជិះម៉ូតូម៉ាកឌ្រីមសេ១២៥ ពណ៌ខ្មៅ ចំណែករថយន្តម៉ាកហ៊ីយ៉ាន់ដាយ ប្រភេទយីឌុប អ្នកបើកបររត់ចោលរថយន្តបាត់ ក្រោយពីជួបគ្រោះថ្នាក់ ។ សមត្ថកិច្ចបញ្ជាក់ថា គ្រោះថ្នាក់ចរាចរណ៍ រវាងភាគីទាំងពីរបានកើតឡើង ពេលដែលធ្វើដំណើរបញ្ច្រាសទិសគ្នា ពីកើតទៅលិច ប៉ុន្តែភាគីជិះម៉ូតូស្ថិតក្នុងស្ថានភាពស្រវឹង និងទើបចេញពីវង់ផឹកស៊ីជាមួយមិត្តភក្តិនៅក្នុងភូមិនោះទៀតផង ។
ចែករំលែកព័តមាននេះ