និយាយពីការបាត់បង់ព្រហ្មចារីដោយការរួមភេទជាលើកដំបូង គឺជាបញ្ហាដែលគួរឱ្យភ័យខ្លាចសម្រាប់នារីភាគច្រើន ។ ការភ័យខ្លាច និងបារម្ភតែមួយគត់របស់ពួកគេគឺ«ការឈឺចាប់ »។ វាពិតជាយ៉ាងនេះមែន ការឈឺចាប់ប្រាកដជាមានសម្រាប់ការរួមភេទលើកទី១-២-៣ឬទី៤ ។ ប៉ុន្តែបន្ទាប់ពីនេះទៅ ការឈឺចាប់ទាំងនោះនឹងរលាយបាត់ ហើយសងមកវិញនូវភាពស្រណុកសុខស្រួលរកថាមិនត្រូវ ។
មានដំណោះស្រាយខ្លះៗដែលអាចកាត់បន្ថយការឈឺចាប់ទាំងនោះឱ្យមកនៅកម្រិតអប្បបរមាបាន ។ សុភាពនារីទាំងឡាយគួរដឹងថា« គ្មានប្រដាប់ភេទខ្លួនឯណាដែលតូចរហូតអង្គជាតិបុរសមិនអាចរុលចូលបាន ហើយក៏គ្មានអង្គជាតិបុរសឯណាដែលធំរកកន្លែងចូលមិនឃើញដែរ»។ អ្វីគ្រប់យ៉ាងគឺអាស្រ័យលើការត្រៀមខ្លួន និងត្រៀមចិត្តជាមុនរបស់អ្នកប៉ុណ្ណោះ ។
ខាងក្រោមនេះ ជាដំណោះស្រាយមួយចំនួនដែលសង្ឃឹមថានឹងអាចជួយសុភាពនារីបាន ៖
*មុនពេលរួមភេទ ៖
១- ត្រៀមសម្ភារចាំបាច់ទុកជាមុន ៖
សូមកុំខ្មាសអៀនក្នុងការទិញស្រោមអនាម័យ(ក្នុងករណីមិនចង់មានកូន ឬជាមួយមិត្តប្រុសដែលយើងមិនប្រាកដថាមានរោគឆ្លងឬគ្មាន) ។ ទិញប្រេងរំអិល វាអាចសំខាន់ជាងស្រោមបន្តិចព្រោះអាចជួយបន្ថយការឈឺចាប់ដោយការកកិត និងការពារការរហែករន្ធយោនី។
២- គួរបង្ហាញពីការព្រួយបារម្ភរបស់ខ្លួនប្រាប់ទៅបុរសជាដៃគូ ៖
ការរួមភេទលើកដំបូងជាមួយបុគ្គលដែលអ្នកជឿជាក់ និងស្គាល់ច្បាស់អាចជួយឱ្យការបារម្ភរបស់អ្នកស្ថិតនៅកម្រិតទាបបំផុត ។ បុរសជាដៃគូនោះនឹងពិចារណាយកចិត្តទុកដាក់លើអារម្មណ៍របស់អ្នក និងជួយអ្នកឆ្លងផុតកង្វល់ទាំងឡាយ ។
៣- ត្រូវស្គាល់ឱ្យច្បាស់តើសន្ទះព្រហ្មចារីជាអ្វី ?
សន្ទះព្រហ្មចារី ជាស្រទាប់ភ្នាសស្តើងដែលគ្របដណ្តប់លើរន្ធយោនី ។ ក្មេងស្រីស្ទើរទាំងអស់តែងមានភ្នាសនេះតាំងពីកំណើត ប៉ុន្តែរយៈពេលច្រើនខែច្រើនឆ្នាំ វាអាចនឹងរហែកដាច់បាត់ដោយការធ្វើសកម្មភាពផ្សេងៗមានដូចជា លេងកីឡា ប្រើឆ្នុក Tampon ឬដំណើរវដ្តរដូវ ។ ការដាច់រហែកសន្ទះព្រហ្មចារីអាចនឹងមានឈាមហូរ ប៉ុន្តែមិនច្រើនដូចការមករដូវឡើយ ហើយនារីខ្លះមិនទាំងមានឈាមផង ។ វាមិនធ្វើឱ្យមានការឈឺចាប់ទេ ។ ពិតណាស់ ប្រសិនជាមានការឈឺចាប់ក្នុងពេលរួមភេទលើកដំបូង វាគ្រាន់តែជាអារម្មណ៍ម្យ៉ាងដែលប្រដាប់ភេទអ្នកមិនធ្លាប់មានវត្ថុរឹងញាត់ចូល ។ ម្យ៉ាងភាពអៀនខ្មាស និងមិនទម្លាប់បានជំរុញឱ្យអ្នកប្រឹងសាច់ដុំ។
៤- ត្រូវស្វែងយល់ ថាតើគួរប្រើឥរិយាបថរួមភេទយ៉ាងម៉េចដែលនាំឱ្យខ្លួនឯងឈឺចាប់តិចតួច ៖
អ្នកអាចនឹងជៀសផុតពីការឈឺចាប់ខ្លាំង ប្រសិនបើចេះជួយដៃគូក្នុងពេលញាត់អង្គជាតិចូល ។ ក្នុងចំណុចនេះទាមទារឱ្យអ្នក និងដៃគូសហការគ្នាយ៉ាងស្អិតរមួតដើម្បីស្វែងរកភាពស្រួលស្រណុក ។
៥- គួរបំបាត់អារម្មណ៍ដែលគិតថា «ការរួមភេទនាំឱ្យអ្នកឈឺចាប់» ៖
ស្ត្រីភាគច្រើនភ័យមិនដឹងរឿង ហើយចេះតែបារម្ភថា មិនដឹងជាមានអ្វីកើតឡើង ។ អារម្មណ៍តានតឹង និងភ័យខ្លាចបែបនេះមិនអាចដោះស្រាយអ្វីបានក្រៅតែពីធ្វើឱ្យស្ថានការណ៍កាន់តែអាក្រក់ទេ ដ្បិតវាធ្វើឱ្យសាច់ដុំទ្វារមាសរបស់អ្នកកាន់តែប្រឹងខ្លាំង ហើយការឈឺចាប់ក៏កើនឡើងទៅតាមនេះដែរ ។ ជំនួសឱ្យការមានអារម្មណ៍កង្វល់ភ័យខ្លាច អ្នកគួរបន្ធូរអារម្មណ៍និងគិតដោយជំនឿចិត្តថា ការបាត់បង់ព្រហ្មចារីនិងឈឺចាប់គ្រាដំបូងជាជម្រើសបុគ្គល ។
*អំឡុងពេលកំពុងរួមភេទ ៖
១- ជ្រើសរើសកន្លែងដែលគ្មានការរំខាន ៖
រួមភេទបណ្តើរភ័យខ្លាចបណ្តើរ អ្នកមិនទទួលបានភាពរីករាយឡើយ ។ ត្រូវជ្រើសរើសទីកន្លែង និងពេលវេលាដែលពុំជាប់ពាក់ព័ន្ធនឹងអ្វីមួួយផ្សេង ។
២- បង្កើតបរិយាសអារម្មណ៍រីករាយ និងគ្មានការជាប់ជំពាក់ ៖
ចូររៀនស្រាយចំណងចិត្តតាមរយៈការធ្វើឱ្យបរិយាកាសគ្មានភាពតានតឹង ។ ត្រូវដោះស្រាយរឿងតូចតាចជាមុន ដូចជា បិទទូរស័ព្ទ ចាក់ភ្លេងប្រគំ ប្រើអំពូលភ្លឺព្រាលៗជាដើម… ។
៣- អ្វីៗត្រូវធ្វើតាមសម្រួល កុំបង្ខំ ៖
ចូរគិតថា ការរួមភេទប្រៀបបានដូចការរត់ម៉ារ៉ាតុងគឺធ្វើដោយមួួយៗមិនបង្ខំ ។ គួរចាប់ផ្តើមដោយការថើប បបោសអង្អែល… ។
៤- គួរប្រាប់ពីបំណងពិតមានក្នុងចិត្ត៖
នារីមិនត្រូវស្ទាក់ស្ទើរ ឬខ្លាចក្នុងការសុំអ្វីមួយពីដៃគូអំឡុងពេលរួមភេទទេ ។ ឧទាហរណ៍ ពេលដៃគូសម្រុកខ្លាំង អ្នកអាចប្រាប់ឱ្យគេបន្ថយល្បឿន ឬឱ្យប្រព្រឹត្តថ្នមៗ ។ ក្នុងករណីមានហូរឈាម គួរពិនិត្យមើលភ្លាមៗដើម្បីបង្ការគ្រោះថ្នាក់ជាយថាហេតុ ៕
ចែករំលែកព័តមាននេះ