ខេត្តព្រះវិហារ ៖ ជនសង្ស័យម្នាក់ឈ្មោះយ៉េត វាសនា ហៅចិត្រា អាយុ១៩ឆ្នាំ រស់នៅភូមិក្រចាប់ ឃុំអាចារ្យលាក់ ស្រុកស្ទឹងសែន ខេត្តកំពង់ធំ ។ ត្រូវបានសមត្ថកិច្ចធ្វើការឃាត់ខ្លួនបានកាលពីថ្ងៃទី២០ មីនា នៅខេត្តកំពង់ធំ រួចត្រូវបានបញ្ជូនមកកាន់ស្នងការដ្ឋាននគរបាលខេត្តព្រះវិហារ ដើម្បីធ្វើការសួរនាំ ជុំវិញករណីឈ្មោះយ៉េត វាសនា ហៅចិត្រា ដែលបានលួចម៉ូតូពីជនរងគ្រោះនៅស្រុក
ខេត្តព្រះវិហារ ៖ ជនសង្ស័យម្នាក់ឈ្មោះយ៉េត វាសនា ហៅចិត្រា អាយុ១៩ឆ្នាំ រស់នៅភូមិក្រចាប់ ឃុំអាចារ្យលាក់ ស្រុកស្ទឹងសែន ខេត្តកំពង់ធំ ។ ត្រូវបានសមត្ថកិច្ចធ្វើការឃាត់ខ្លួនបានកាលពីថ្ងៃទី២០ មីនា នៅខេត្តកំពង់ធំ រួចត្រូវបានបញ្ជូនមកកាន់ស្នងការដ្ឋាននគរបាលខេត្តព្រះវិហារ ដើម្បីធ្វើការសួរនាំ ជុំវិញករណីឈ្មោះយ៉េត វាសនា ហៅចិត្រា ដែលបានលួចម៉ូតូពីជនរងគ្រោះនៅស្រុកសែនជ័យ ។
នៅចំពោះមុខសមត្ថកិច្ច ឈ្មោះយ៉េត វាសនា ហៅចិត្រា បានសារភាពថា ខ្លួនពិតជាបានប្រព្រឹត្តការលួចជាច្រើនលើកមកហើយ ទាក់ទិននឹងការលួចម៉ូតូរបស់មិត្តភក្តិនៅក្នុងខេត្តកំពង់ធំ និងនៅខេត្តសៀមរាប ត្រូវបានសមត្ថកិច្ចចាប់ខ្លួនដាក់ពន្ធនាការនៅខេត្តកំពង់ធំអស់រយៈពេល១ឆ្នាំ គឺនៅឆ្នាំ២០០៩ ។ នៅពេលចេញពីពន្ធនាគារខេត្តកំពង់ធំ នៅឆ្នាំ២០១០ រូបគេបានទៅរស់នៅក្នុងស្រុកសែនជ័យ ហើយនៅក្នុងឆ្នាំ២០១២ ខ្លួនបានធ្វើសកម្មភាពលួចយកម៉ូតូមិត្តភក្តិនៅខេត្តសៀមរាប ហើយត្រូវបានសមត្ថកិច្ចខេត្តសៀមរាបឃាត់ខ្លួន ដាក់ពន្ធនាគារអស់រយៈពេល១ឆ្នាំទៀត ។
លុះដល់ថ្ងៃទី១៧ មីនា នៅវេលាម៉ោង៨ និង៣០នាទីយប់ ខ្លួនក៏បានធ្វើសកម្មភាពប្លន់យកម៉ូតូម្តងទៀតរបស់អ្នកភូមិស្អាង ស្រុកសែនជ័យ ខេត្តព្រះវិហារ ។ នេះជាលើកទី៣ហើយ ដែលខ្លួនបានប្រព្រឹត្ត ខណៈខ្លួនកំពុងតែអង្គុយផឹកទឹកត្នោតជូរ ក៏បានឃើញក្មេងប្រុសម្នាក់ជិះម៉ូតូធុនសេ១២៥ ស៊េរី២០១២ ទៅជិតខ្លួន ពេលនោះក៏បានហៅក្មេងប្រុសជនរងគ្រោះឱ្យឌុប លុះទៅដល់ជិតសាលារៀនក្នុងទីប្រជុំជនស្រុកសែនជ័យ ក៏ឱ្យឈប់បត់ជើងតូច ពេលឈប់ម៉ូតូ ខ្លួនក៏បានវាយទៅលើក្មេងប្រុសនោះបណ្តាលឱ្យដួលទៅលើដីពីបីត្រឡប់ ពេលនោះខ្លួនបានទាញយកម៉ូតូជិះគេចខ្លួនតែម្តង ។
លុះដល់ថ្ងៃទី២០ មីនា សមត្ថកិច្ចខេត្តកំពង់ធំ ក៏បានធ្វើការឃាត់ខ្លួន ហើយបញ្ជូនមកកាន់ស្នងការដ្ឋាននគរបាលខេត្តព្រះវិហារ ដើម្បីចាត់ការទៅតាមផ្លូវច្បាប់ ។ ចំណែកម៉ូតូជនរងគ្រោះ ត្រូវបានសមត្ថកិច្ចនៃស្នងការដ្ឋាននគរបាលខេត្តព្រះវិហារធ្វើការប្រគល់ជូនម្ចាស់ដើមវិញ នៅព្រឹកថ្ងៃទី២១ មីនា ផងដែរ ៕
ចែករំលែកព័តមាននេះ