រាជធានីភ្នំពេញ ៖ រូបភាពអ្នកប្រដាល់ខ្មែរដែលជាស្នាដៃថតរបស់លោកអង់ ទ័នអារ៉ាប់ ជនជាតិបារាំងត្រូវបានយកមកដាក់តាំងបង្ហាញជូនទស្សនាជាសាធារណៈចាប់ពីថ្ងៃទី៧ ដល់ថ្ងៃទី៣០ មីនា ២០១៣ នេះតទៅ នៅវិទ្យាស្ថានបារាំងនៃកម្ពុជា ។
លោកអង់ ទ័នអារ៉ាប់ បានឱ្យដឹងថា អ្នកប្រដាល់ខ្មែរ គឺជាស៊េរីរូបភាព២២រូបដែលមានអាយុចាប់ពី៧ទៅ៣៥ឆ្នាំត្រូវបានថតបន្ទាប់ពីកីឡា
រាជធានីភ្នំពេញ ៖ រូបភាពអ្នកប្រដាល់ខ្មែរដែលជាស្នាដៃថតរបស់លោកអង់ ទ័នអារ៉ាប់ ជនជាតិបារាំងត្រូវបានយកមកដាក់តាំងបង្ហាញជូនទស្សនាជាសាធារណៈចាប់ពីថ្ងៃទី៧ ដល់ថ្ងៃទី៣០ មីនា ២០១៣ នេះតទៅ នៅវិទ្យាស្ថានបារាំងនៃកម្ពុជា ។
លោកអង់ ទ័នអារ៉ាប់ បានឱ្យដឹងថា អ្នកប្រដាល់ខ្មែរ គឺជាស៊េរីរូបភាព២២រូបដែលមានអាយុចាប់ពី៧ទៅ៣៥ឆ្នាំត្រូវបានថតបន្ទាប់ពីកីឡាករទាំងនេះបានប្រដាល់ចប់តែប៉ុន្មាននាទីប៉ុណ្ណោះ ។ លោកនិយាយថា នៅពេលចុះចេញពីសង្វៀនមកពួកគេបានខិតខំប្រមូលកម្លាំងដែលនៅសេសសល់ចុងក្រោយមកឈរនៅពីមុខម៉ាស៊ីនថតរបស់ខ្ញុំ ។ ខ្ញុំចង់ថតរូបយកនាពេលនោះ ព្រោះជាពេលដែលយើងនៅឃើញមានសម្ពាធប្រដាល់លាយឡំនឹងសភាពអស់កម្លាំងនៅឡើយ ។ ចំណាប់អារម្មណ៍របស់ខ្ញុំទៅលើគុនខ្មែរ ឬប្រដាល់ខ្មែរបានចាប់ផ្តើមនៅឆ្នាំ២០០៧ ពេលដែលខ្ញុំទៅលេងស្រុកខ្មែរលើកដំបូង ។ ខ្ញុំចាប់អារម្មណ៍ខ្លាំងទៅលើការប្តេជ្ញារបស់អ្នកប្រដាល់ទាំងនេះ ទៅលើការគោរពប្រពៃណីប្រដាល់ និងការគោរពដៃគូប្រយុទ្ធទៅវិញទៅមក។ លោកបញ្ជាក់ថា រូបភាពទាំងនេះលោកបានថតនៅភ្នំពេញ និងនៅខេត្តបាត់ដំបងកាលពីនិទាឃរដូវឆ្នាំ២០១២ ៕
ចែករំលែកព័តមាននេះ