ខេត្តពោធិ៍សាត់ ៖ ដោយការយកចិត្តទុក្ខដាក់ចំពោះកូនចៅប្រជាពលរដ្ឋក្រីក្រនៅទីជនបទ កាលពីថ្ងៃទី ៣ មីនា លោកជំទាវជា ខេង ភរិយា លោករដ្ឋមន្ត្រី ស៊ុយ សែម ប្រធានក្រុមការងារគណបក្សប្រជាជនកម្ពុជា ចុះជួយខេត្ត ពោធិ៍សាត់ និងលោកជំទាវលឹម ឆេង ភរិយាលោកតាន់ គឹមវិន រដ្ឋលេខាធិការក្រសួងឧស្សា-ហកម្មរ៉ែ និងថាមពល និងសហការីមួយចំនួនទៀតបានចុះសួរសុខទុក្ខ
ខេត្តពោធិ៍សាត់ ៖ ដោយការយកចិត្តទុក្ខដាក់ចំពោះកូនចៅប្រជាពលរដ្ឋក្រីក្រនៅទីជនបទ កាលពីថ្ងៃទី ៣ មីនា លោកជំទាវជា ខេង ភរិយា លោករដ្ឋមន្ត្រី ស៊ុយ សែម ប្រធានក្រុមការងារគណបក្សប្រជាជនកម្ពុជា ចុះជួយខេត្ត ពោធិ៍សាត់ និងលោកជំទាវលឹម ឆេង ភរិយាលោកតាន់ គឹមវិន រដ្ឋលេខាធិការក្រសួងឧស្សា-ហកម្មរ៉ែ និងថាមពល និងសហការីមួយចំនួនទៀតបានចុះសួរសុខទុក្ខ និងនាំយកសម្ភារសិក្សាទៅចែកជូនដល់លោកគ្រូ អ្នកគ្រូ និងសិស្សានុសិស្សសាលាបឋមសិក្សាវត្តជ្រែ ស្ថិតក្នុងឃុំបឹងខ្នា ស្រុកបាកាន ។
លោកជំទាវជា ខេង បានសម្ដែងទឹកចិត្តសប្បាយរីករាយជាមួយក្មួយៗសិស្សានុសិស្ស និងបានពាំនាំនូវសេចក្ដីនឹករលឹកពីសំណាក់លោករដ្ឋមន្ត្រីស៊ុយ សែម ដែលលោកពុំបានមកផ្ទាល់នាពេលនេះ ប៉ុន្តែនឹកគិតគ្រប់ពេលវេលា ។ លោកជំទាវមានប្រសាសន៍ថា កន្លងមកតែងធ្វើដំណើរឆ្លងកាត់ទៅផុតមកផុតមិនដែលបានចូលសួរសុខទុក្ខក្មួយៗសាលាបឋមសិក្សាវត្តជ្រែនេះទេ ទើបតែថ្ងៃនេះនាំយកអំណោយទៅជូនលោកយាយចាស់ជរា អាយុជាង១០០ឆ្នាំ ២នាក់ នៅក្នុងឃុំបឹងខ្នានេះក៏ឆ្លៀតចូលតែម្ដង ។ លោកជំទាវបានផ្ដាំផ្ញើឱ្យក្មួយៗខិតចំរៀនសូត្រឱ្យមានចំណេះដឹងនៅក្នុងខ្លួន ដើម្បីបានធ្វើការជាមេឃុំ ចៅហ្វាយស្រុក ចៅហ្វាយខេត្ត រហូតដល់រដ្ឋមន្ត្រី ឬក្រុមហ៊ុនផ្សេងៗ ។ ដើម្បីអនាគតរុងរឿង ក្មួយប្រាកដជាមកជួយកសាងអភិវឌ្ឍន៍ភូមិ-ឃុំ និងនាំយកអំណោយមកចែកជូនយា តាចាស់ ៗ និងសិស្សានុសិស្សនៅទឹកដីកំណើតរបស់ខ្លួនជាមិនខាន ។
ទន្ទឹមនឹងនេះលោកជំទាវក៏បានផ្ដាំផ្ញើដល់លោកគ្រូ អ្នកគ្រូ និងប្រជាពលរដ្ឋទាំងអស់សូមកុំជឿពាក្យឃោសនាបោកប្រាស់របស់គណបក្សនយោបាយមួយចំនួនដែលសន្យាខ្យល់ឃើញមុខតែពេលបោះឆ្នោតប៉ុណ្ណោះមិនដែលបានជួយកសាងអ្វីទុកជាសម្បត្តិសាធារណៈ ឬដឹងសុខទុក្ខគ្រប់ពេលវេលាដូចគណបក្សប្រជាជនកម្ពុជានោះទេ ។
ក្នុងឱកាសនោះលោកជំទាវជា ខេង ស៊ុយ សែម បានចែកអំណោយដល់គ្រូ ៤នាក់ម្នាក់ៗទទួលបាលបានសារុង១ ក្រមា ១ សៀវភៅ ៥ក្បាល ប៊ិក១ដើម ថវិកា២០.០០០រៀល សិស្ស១៩០នាក់ ម្នាក់ៗសៀវភៅ៣ក្បាល ប៊ិក២ដើមប្រជាពលរដ្ឋ៥៥នាក់ ម្នាក់ៗ១០.០០០រៀល ដោយឡែកក្រុមប្រឹក្សាឃុំ -ស្រុក ប៉ូលិស ប៉េអឹម សរុប២៣នាក់ ម្នាក់ៗសាប៊ូម្សៅ ១ថង់ ថវិកា២០.០០០រៀល ៕
ចែករំលែកព័តមាននេះ