ខេត្តមណ្ឌលគិរី ៖ ជាលើកទី២ហើយដែលពលរដ្ឋរស់នៅក្រុងសែនមនោរម្យ បាននាំគ្នាមកកាន់សាលាខេត្ត បំណងសុំឱ្យអាជ្ញាធរខេត្តជួយដោះស្រាយពីបញ្ហាតម្លៃអគ្គិសនី ។ បាតុភាពដែលបង្កើតទៅជាការប្រមូលផ្តុំនេះ ធ្លាប់កើតមានកាលពីថ្ងៃទី១៨ កុម្ភៈ ២០១៣ រួចមកម្តងហើយ តែត្រូវបានខាងជំនាញអគ្គិសនីក៏ដូចជាអាជ្ញាធរខេត្តសន្យាពន្យាពេលដោះស្រាយនៅថ្ងៃទី២៥ កុម្ភៈ ២០១៣ តែដោយចំថ្ងៃ
ខេត្តមណ្ឌលគិរី ៖ ជាលើកទី២ហើយដែលពលរដ្ឋរស់នៅក្រុងសែនមនោរម្យ បាននាំគ្នាមកកាន់សាលាខេត្ត បំណងសុំឱ្យអាជ្ញាធរខេត្តជួយដោះស្រាយពីបញ្ហាតម្លៃអគ្គិសនី ។ បាតុភាពដែលបង្កើតទៅជាការប្រមូលផ្តុំនេះ ធ្លាប់កើតមានកាលពីថ្ងៃទី១៨ កុម្ភៈ ២០១៣ រួចមកម្តងហើយ តែត្រូវបានខាងជំនាញអគ្គិសនីក៏ដូចជាអាជ្ញាធរខេត្តសន្យាពន្យាពេលដោះស្រាយនៅថ្ងៃទី២៥ កុម្ភៈ ២០១៣ តែដោយចំថ្ងៃឈប់សម្រាករបស់មន្ត្រីរាជការក៏ត្រូវបានលើកមកថ្ងៃទី២៦ កុម្ភៈ ២០១៣វិញ ។
បំណងរបសប់បងប្អូនប្រជាពលរដ្ឋតវ៉ានៅសាលាខេត្តគឺសុំឱ្យអាជ្ញាធរខេត្ត អង្គភាពអគ្គិសនីមណ្ឌលគិរី និងមន្ទីរជំនាញក្នុងតំបន់នេះ ជួយលើកយកបញ្ហានេះឱ្យអាជ្ញាធរអគ្គិសនីកម្ពុជា មេត្តាជួយពិចារណាចំពោះសេវាតម្លៃប្រើប្រាស់អគ្គិសនីនៅមណ្ឌលគិរី មានតម្លៃខ្ពស់ពេកពួកគាត់មិនអាចទទួលយកបាន ហើយបញ្ហានេះអាចប៉ះពាល់ដល់ជីវភាពនៃការរស់នៅប្រចាំថ្ងៃរបស់ពួកគាត់ទៀតផង ។
នាពេលនោះគេសង្កេតឃើញមានវត្តមានរបស់លោកស្រី អាយ ស៊ីសុគន្ធារី អភិបាលរងខេត្ត លោកគង់ ពិសិដ្ឋ ប្រធានមន្ទីរ ឧស្សាហកម្ម រ៉ែ និងថាមពលខេត្តលោកជិត សុឃុន ប្រធានអង្គភាពអគ្គិសនីកម្ពុជាខេត្ត និងមន្ត្រីបម្រើការអង្គភាពអគ្គិសនីកម្ពុជាខេត្តបានចូលរួមយ៉ាងច្រើនផងដែរ ។
លោកជិន សុឃុន ប្រធានអង្គភាពអគ្គិសនីកម្ពុជាខេត្ត បានលើកឡើងថា អង្គភាពអគ្គិសនីកម្ពុជាខេត្តមណ្ឌលគីរី មានការខាតបង់ថវិកាយ៉ាងច្រើនចំពោះថាមពលប្រើប្រាស់នេះ ក្នុងមួយឆ្នាំរហូតដល់ចំនួន៤រយលានរៀល ។
ទោះជាយ៉ាងណាការតវ៉ារបស់ប្រជាពលរដ្ឋក្នុងពេលនេះពុំទាន់មានលទ្ធផលដូចដែលអ្វីជាការទាមទាររបស់ពួកគាត់ឡើយ ព្រោះត្រូវបានពន្យាពេលដល់សប្តាហ៍ក្រោយដដែល ហើយគេក៏មិនដឹងថា ខាងជំនាញអគ្គិសនីនិងដោះស្រាយបែបណានោះដែរ៕
ចែករំលែកព័តមាននេះ