ខេត្តតាកែវ ៖ ជនសង្ស័យម្នាក់បានត្រូវម្ចាស់ម៉ូតូចាប់ខ្លួនប្រគល់ឱ្យប៉ូលិសស្រុកបាទី ដោយចោទប្រកាន់ពីបទឆបោកម៉ូតូ១គ្រឿងយកទៅលក់ និងគេចខ្លួនបាត់រហូត លុះរូបគេវិលត្រឡប់មកផ្ទះវិញម្ចាស់ម៉ូតូឃើញក៏ចាប់ប្រគល់ឱ្យប៉ូលិសតែម្តង ។ ការចាប់ជនសង្ស័យឆបោកយកម៉ូតូនេះបានធ្វើឡើងកាលពីថ្ងៃទី១០ កុម្ភៈ វេលាម៉ោង៩និង៣០នាទីព្រឹក នៅភូមិស្មៅខ្ចី ឃុំត្រពាំងសាប ស្រុក
ខេត្តតាកែវ ៖ ជនសង្ស័យម្នាក់បានត្រូវម្ចាស់ម៉ូតូចាប់ខ្លួនប្រគល់ឱ្យប៉ូលិសស្រុកបាទី ដោយចោទប្រកាន់ពីបទឆបោកម៉ូតូ១គ្រឿងយកទៅលក់ និងគេចខ្លួនបាត់រហូត លុះរូបគេវិលត្រឡប់មកផ្ទះវិញម្ចាស់ម៉ូតូឃើញក៏ចាប់ប្រគល់ឱ្យប៉ូលិសតែម្តង ។ ការចាប់ជនសង្ស័យឆបោកយកម៉ូតូនេះបានធ្វើឡើងកាលពីថ្ងៃទី១០ កុម្ភៈ វេលាម៉ោង៩និង៣០នាទីព្រឹក នៅភូមិស្មៅខ្ចី ឃុំត្រពាំងសាប ស្រុកបាទី ។
លោកង៉ាន់ សារី អធិការប៉ូលិសស្រុកបាទីឱ្យដឹងថា ជនសង្ស័យឆបោកយកម៉ូតូនេះឈ្មោះខៀវ រ៉ាយូ ហៅឆក ភេទប្រុស អាយុ២០ឆ្នាំ រស់នៅភូមិចក ឃុំត្រពាំងសាប ស្រុកបាទី ឯម្ចាស់ម៉ូតូឈ្មោះចក់ ចំរុង ភេទប្រុស អាយុ១៨ឆ្នាំ ។ កាលពីថ្ងៃទី២៥ ធ្នូ ២០១២ វេលាម៉ោង៧ព្រឹកម្ចាស់ម៉ូតូម៉ាកស្មាស ស៊េរី០៨ ពណ៌ខ្មៅ ពាក់ស្លាកលេខភ្នំពេញ1AA3312 បានជិះទៅរៀននៅវិទ្យាល័យប៊ុន រ៉ានី ហ៊ុន សែនបាទី ស្ថិតនៅភូមិត្រពាំងលាន ឃុំចំបក់ ។ គ្រានោះគេមិនទាន់ចូលទៅក្នុងសាលាទេ ដោយឈប់ស្រស់ស្រូបអាហារខាងក្រៅសាលា ឯជនសង្ស័យដែលជាមនុស្សស្គាល់គ្នាមកដល់ក៏ពឹងពាក់ឱ្យជូនរូបគេទៅផ្ទះបន្តិច ។
លោកអធិការបន្តថា នៅពេលឌុបគ្នាទៅដល់ផ្ទះហើយ ជនសង្ស័យក៏ឱ្យម្ចាស់ម៉ូតូឌុបទៅផ្ទះសំណាក់សុខសាន្តនៅម្តុំបឹងសាឡាង ឯរាជធានីភ្នំពេញ ដោយជួលបន្ទប់មួយស្នាក់នៅ ។ ក្រោយពេលដល់ក្នុងបន្ទប់ហើយនោះ ជនសង្ស័យក៏ធ្វើជាខ្ចីម៉ូតូចេញទៅក្រៅមួយភ្លែតដោយឱ្យម្ចាស់ម៉ូតូនៅរង ចាំ ។ ផ្ទុយទៅវិញបន្ទាប់ពីបានម៉ូតូហើយគេក៏ជិះទៅបាត់មិនមកវិញទេគឺទៅបាត់រហូត តែម្ចាស់ម៉ូតូក៏មិនបានប្តឹងប៉ូលិសអ្វីដែរ ក្នុងរយៈពេលជិត២ខែមកនេះ ។
លុះនៅពេលចាយលុយអស់ ជននេះក៏ត្រឡប់មកផ្ទះវិញដើរលេងនៅភូមិជាធម្មតា ហើយម្ចាស់ម៉ូតូឃើញក៏ចាប់ខ្លួនប្រគល់ឱ្យប៉ូលិសជាអ្នកចាត់ការ ។ មុនដំបូងប៉ូលិសគិតថាហៅឪពុកម្តាយជនសង្ស័យឱ្យយកប្រាក់មកសងទៅម្ចាស់ម៉ូតូវិញ តែដោយអត់មានលុយទើបសុំយោបល់ពីលោកព្រះរាជអាជ្ញាឃាត់ខ្លួនតែម្តង ។ជនសង្ស័យសារភាពប្រាប់ប៉ូលិសថា រូបគេពិតជាបានយកម៉ូតូគេប្រាកដមែនយកទៅលក់បាន២៥០ដុល្លារអាមេរិក ដើរលេងស៊ីចាយអស់ត្រឡប់មកផ្ទះវិញត្រូវម្ចាស់ម៉ូតូចាប់ខ្លួនប្រគល់មកប៉ូលិសទៅ ។ នៅព្រឹកថ្ងៃទី១១ កុម្ភៈ ជនសង្ស័យត្រូវបានប៉ូលិសកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ