រាជធានីភ្នំពេញ ៖ ប៉ូលិស២នាក់ដែលបា.ញ់អ្នកបើកបររថយន្តដឹកទំនិញស្ទើរស្លា.ប់ស្ទើររស់ ដោយសារតែខឹងមិនព្រមឈប់ឡានបង់ប្រាកឱ្យពួកគេកាលពីប៉ុន្មានម៉ោងមុននេះ ត្រូវបានប៉ូលិសត្រឹមត្រូវតាមចាប់ខ្លួនបានហើយ គឺម្នាក់ឈ្មោះ យូ សុខគា ត្រូវបានចាប់ខ្លួននៅវេលាម៉ោង១រសៀល, ចំណែកម្នាក់ទៀត គង់ តារា ត្រូវបានចាប់ខ្លួននៅវេលាម៉ោង៣រសៀលថ្ងៃដដែល។
រាជធានីភ្នំពេញ ៖ ប៉ូលិស២នាក់ដែលបាញ់អ្នកបើកបររថយន្តដឹកទំនិញស្ទើរស្លាប់ស្ទើររស់ ដោយសារតែខឹងមិនព្រមឈប់ឡានបង់ប្រាក់ឱ្យពួកគេកាលពីប៉ុន្មានម៉ោងមុននេះ ត្រូវបានប៉ូលិសត្រឹមត្រូវតាមចាប់ខ្លួនបានហើយ គឺម្នាក់ឈ្មោះ យូ សុខគា ត្រូវបានចាប់ខ្លួននៅវេលាម៉ោង១រសៀល, ចំណែកម្នាក់ទៀត គង់ តារា ត្រូវបានចាប់ខ្លួននៅវេលាម៉ោង៣រសៀលថ្ងៃដដែល។
ការចាប់ខ្លួនប៉ូលិសអន់ចរិត ធ្វើឱ្យខូចកិត្តិយសដល់ប៉ូលិសត្រឹមត្រូវនោះ ធ្វើឡើងភ្លាមៗតាមបញ្ជារបស់លោកនាយឧត្តមសេនីយ៍ផ្កាយមាស៤ អគ្គស្នងការនគរបាលជាតិ នេត សាវឿន និងលោកស្នងការនគរបាលរាជធានីភ្នំពេញ។ ប៉ូលិសអសីលធម៌ស្រេកឈាមអ្នកក្រីក្រនេះកំពុងត្រូវបានឃុំខ្លួននៅការិយាល័យព្រហ្មទណ្ឌនៃស្នងការនគរបាលរាជធានីភ្នំពេញ។
គួរបញ្ជាក់ថា មុននេះ អ្នកបើករថយន្តដឹកម្ទេសម្នាក់ត្រូវមន្ត្រី ប៉ូលិសស្លៀកពាក់ឯកសណ្ឋានលួចដាក់កុងត្រូជជុះកណ្តាល រាជធានីភ្នំពេញ ចំនួន២នាក់ ជិះម៉ូតូតាមគប់បំបែកកញ្ចក់រថយន្ត និងដកកាំភ្លើងខ្លីបាញ់១គ្រាប់ បណ្តាលឱ្យត្រូវចំលើដោះខាងឆ្វេងបៀមគ្រាប់ដោយសារតែខឹងមិនព្រម ឈប់រថយន្តបង់ប្រាក់ចំនួន២.០០០រៀលដូចសព្វដង ។
ហេតុការណ៍នេះកើតឡើងកាលពីវេលាម៉ោង១១និង៤៥ នាទីយប់ថ្ងៃទី២៧ មករា ២០១៣ នៅតាមផ្លូវជាតិលេខ៥ មុខស្ថានីយបញ្ចូលហ្គាសទាន់សម័យក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។ បន្ទាប់ពីផ្ទុះអាវុធមន្ត្រីប៉ូលិសខិលខូចបានព្យាយាមលុបបំបាត់ ស្នាមឈាមហើយគេចខ្លួនបាត់ ។ យ៉ាងណាក៏ដោយ បើសិនជាមានការស្រាវជ្រាវពីស្នងការនគរបាលរាជធានីភ្នំពេញ ជនបង្កមិនអាចគេចផុតពីសំណាញ់ច្បាប់ឡើយ ព្រោះជននោះតែងតែដាក់គោលដៅចាំទារប្រាក់ពីរថយន្តដឹកទំនិញ និងធ្លាប់ត្រូវបានលោកស្នងការបញ្ជាឱ្យប៉ូលិសប៉ុស្តិ៍ទួលសង្កែ និងប៉ូលិសប៉ុស្តិ៍បឹងកក់ទី១ ចុះទៅឃាត់ខ្លួនសាកសួរម្តងមកហើយតាំងពីលោកមកកាន់ជាស្នងការថ្មី ។
អ្នកបើកបរដែលត្រូវមន្ត្រីប៉ូលិសតាមបាញ់ ព្រោះតែប្រាក់២.០០០រៀលឈ្មោះឌី វិចិត្រ ហៅភោគ ភេទប្រុស អាយុ២៩ឆ្នាំ មានទីលំនៅផ្ទះជួលម្តុំផ្សារនាគមាស សង្កាត់ផ្សារដើមគ ខណ្ឌទួលគោក បានរងរបួសត្រូវគ្រាប់កាំភ្លើង១គ្រាប់ចំលើដោះខាងឆ្វេងបៀមគ្រាប់ កំពុងសម្រាកព្យាបាលនៅមន្ទីរពេទ្យកាល់ម៉ែត៕
ចែករំលែកព័តមាននេះ