ប្រតិកម្មសម្ដេចតេជោលើការវាយតំលៃសេដ្ឋកិច្ចកម្ពុជាមិនត្រូវគ្នា
ដោយ ៖ អប្សរា
ថ្ងៃពុធ ទី២៨ ខែមេសា ឆ្នាំ២០១០ ម៉ោង ១៤:២៥
រាជធានីភ្នំពេញ ៖ សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា បានមាន ប្រសាសន៍ថា អស់លោកធនាគារពិភពលោក ធនាគារអភិវឌ្ឍន៍អាស៊ី បើអស់លោកវាយ តំលៃមិនត្រូវគ្នាផង តើអស់លោកប្រាប់យើង ខ្ញុំថាម៉េចទៅ...? គ្រាន់តែប៉ុន្មានសបា្ដហ៍កន្លង ទៅ ខាងធនាគារអភិវឌ្ឍន៍អាស៊ីឆ្លើយថា កំណើន៤,៥% ដល់ធនាគារពិភពលោក ឆ្លើយថា៤,៨% ។ កាលពីឆ្នាំកន្លងទៅថា កម្ពុជា ដក២,៧% ខ្លះថា ដក២%
ស្រាប់តែ ដល់ឆ្នាំនេះថាកំណើន០,១% ។ បើវាយតំលៃ តែរបៀបដូច្នេះ កូនសិស្សគឺវង្វេង... ។ សម្ដេចតេជោនាយករដ្ឋមន្ដ្រីមាន ប្រសាសន៍បែបនេះ កាលពីព្រឹកថ្ងៃទី២៧ មេសា នៅវិមានរាជរដ្ឋាភិបាល ក្នុងឱកាស បើកវេទិការាជរដ្ឋាភិបាល-វិស័យឯកជន លើកទី១៥ ដើម្បីពិនិត្យរួមគ្នារវាងវេទិការាជ រដ្ឋាភិបាល និងវិស័យឯកជនលើកទី១៤កន្លង មក តើមានវឌ្ឍនភាព និងការកែលំអជាក់ ស្ដែងអ្វីខ្លះ?
