រាជធានីភ្នំពេញ ៖ ជនជាតិស៊ុយអែតម្នាក់បានដេកស្លាប់នៅផ្ទះសំណាក់ជារិទ្ធីហេង២ ដែលមានទីតាំងស្ថិតនៅផ្ទះលេខ២២៦ ផ្លូវទន្លេមេគង្គ ស្ថិតក្នុងភូមិគៀនឃ្លាំង សង្កាត់ព្រែកលៀប ខណ្ឌឫស្សីកែវ ហើយត្រូវបានម្ចាស់ផ្ទះសំណាក់ឱ្យដឹកចេញទៅកាន់មន្ទីរពេទ្យកាល់ម៉ែត រួចបានដឹកត្រឡប់យកមកវិញ ដើម្បីឱ្យប៉ូលិសបច្ចេកទេសធ្វើការពិនិត្យ ។
ហេតុការណ៍នេះបានធ្វើឱ្យមានការភ្ញាក់ផ្អើលកាលពីវេលាម៉ោង៨និង៥០នាទីព្រឹកថ្ងៃទី៩ មករា ២០១៣។ ទាក់ទិននឹងការស្លាប់នេះគេពុំដឹងថា មកពីមូលហេតុអ្វីឡើយ។ តាមសមត្ថកិច្ចឱ្យដឹងថា ការស្លាប់ដោយសារតែជនបរទេសរូបនោះកាំងបេះដូងស្លាប់។ ជនជាតិបរទេសដែលដេកស្លាប់នោះឈ្មោះ TORNBLOM LARS GORAN ភេទប្រុស អាយុ៦៥ឆ្នាំ ជាជនជាតិស៊ុយអែត បានដេកស្លាប់នៅបន្ទប់លេខ១០៧ ក្នុងផ្ទះសំណាក់ជារិទ្ធីហេង២ ជាមួយស្រ្តីខ្មែរវ័យក្មេងម្នាក់ ហើយត្រូវម្ចាស់ផ្ទះសំណាក់ដឹកចេញទៅកាន់មន្ទីរពេទ្យកាល់ម៉ែត តែត្រូវបានគ្រូពេទ្យឱ្យដឹកមកផ្ទះសំណាក់វិញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ