ថ្ងៃ ១៣ កើត ខែជេស្ឋ ព.ស.២៥៥៩ ឆ្នាំមមែ សប្តស័ក

ក្លែង​លិខិត​សាធារណៈ​សាលា​ខណ្ឌ​ឫស្សី​កែវ​រត់ការ​ផ្ទេរ​កម្ម​សិទ្ធិ​ដី​ធ្លី​ត្រូវ​ចាប់​ខ្លួន​

រាជ​ធានី​ភ្នំពេញ ៖ បុរស​ម្នាក់​ត្រូវ​ប្រ​ជា​ពល​រដ្ឋ​នាំ​គ្នា​ចាប់​ខ្លួន​នៅ​មុខ​មន្ទីរ​ពេទ្យ​កាល់​ម៉ែត​ ​ប្រគល់​​​ឱ្យ​នគរ​បាល​ខណ្ឌ​ឫស្សី​កែវ កាល​ពី​វេលា​ម៉ោង​១០​ព្រឹក​ថ្ងៃទី​២៧ ធ្នូ បន្ទាប់​ពី​ក្លែង​លិខិត​សាធារណៈ​របស់​សាលា​ខណ្ឌ​ឫស្សី​កែង​ រត់​ការ​​លិខិត​ផ្ទេរ​កម្ម​សិទ្ធិ​ដី​ធ្លី​ និង​ផ្ទះ​សម្បែង​ឆបោក​យក​ប្រាក់​ពី​ប្រជា​ពល​រដ្ឋ​​ចំនួន​២នាក់​បាន​ប្រាក់​​ចំនួន​១.០៥០​ដុល្លារ​ហើយ​បាន​បែក​ធ្លាយ ។

ជន​​ដើរ​ឆ​បោក​ឈ្មោះ​ហ៊ីង សំអាន ហៅ​ជា សំអុល ហៅ​ខៀវ រិទ្ធ ​ភេទ​ប្រុស អាយុ​៤៣​ឆ្នាំ មាន​លំនៅ​ភូមិ​បឹង​សាឡាង សង្កាត់​ឫស្សី​កែវ ខណ្ឌ​ឫស្សី​កែវ ។ ចំណែក​អ្នក​​ចាញ់​បោក​គេ​១-ឈ្មោះ​គឹម សម្បត្តិ ភេទ​ប្រុស អាយុ​៣១​ឆ្នាំ មាន​លំនៅ​ភូមិ​លូ សង្កាត់​ស្វាយ​ប៉ាក ខណ្ឌ​ឫស្សី​កែវ អស់​ប្រាក់​​៣៥០​ដុល្លារ និង​២-ឈ្មោះ​សុខ លាង ភេទ​ប្រុស អាយុ​២៥​ឆ្នាំ មានលំនៅ​សង្កាត់​​ព្រែក​ព្នៅ​ ខណ្ឌ​សែន​សុខ អស់​ប្រាក់​​៧០០​ដុល្លារ ។

តាម​មន្ត្រី​នគរ​បាល​ខណ្ឌ​​ឫស្សី​កែវ​បាន​ឱ្យ​ដឹង​ថា ជន​សង្ស័យ​ត្រូវ​ប្រជា​ពល​រដ្ឋ​ដែល​​ចាញ់​បោក​នាំ​គ្នា​​ចាប់​ខ្លួន​យក​​ទៅ​ប្រគល់​ឱ្យ​នគរ​បាល​ បន្ទាប់​ពី​ដើរ​ឆបោក​ប្រើ​រូប​ភាព​ក្លែង​លិខិត​សាធារណៈ​របស់​សាលា​ខណ្ឌ​ឫស្សី​កែវ​រត់​ការ​ធ្វើ​លិខិត​ផ្ទេរ​កម្ម​សិទ្ធិ​ដីធ្លី និង​ផ្ទះ​សម្បែង ។ ប្រភព​បាន​បន្ត​​ថា ឈ្មោះ​ហីុង សំអាន ហៅ​ជា សំអុល ហៅ​ខៀវ រិទ្ធ បាន​ទៅ​ទារ​ប្រាក់​ពី​ប្រជា​ពល​រដ្ឋ​​ម្នាក់​ចំនួន​៣៥០​ដុល្លារ និង​ម្នាក់​ទៀត​ចំនួន​៧០០​ដុល្លារ ដើម្បី​រត់​ការ​ផ្ទេរ​កម្ម​សិទ្ធ​ិ​ដី​ធ្លី​ និង​ផ្ទះ​សម្បែង​ បន្ទាប់ពី​មាន​ការ​ទិញ​លក់​ដី។ ក្រោយ​ពេល​ទទួល​បាន​ប្រាក់​​ ជន​នោះ​បាន​ធ្វើ​លិខិត​ផ្ទេរ​កម្ម​សិទ្ធិ​របស់​សាលា​ខណ្ឌ​ឫស្សី​កែវ​​ក្លែង​មា​ត្រា និង​មានស៊ី​ញ៉េ​លោក​ឃ្លាំង ហួត ​អភិបាល​​ខណ្ឌ​ហើយ​​ហ្វូតូ​​យក​ទៅ​បង្ហាញ​ម្ចាស់​ប្រាក់​ថា​ធ្វើ​រួច​ហើយ និង​ទា​រ​ប្រាក់​បន្ថែម​ទៀត​ ។

ដោយ​មាន​ការ​សង្ស័យ​ប្រជា​ពល​រដ្ឋ​ចំនួន​២នាក់​បាន​តាម​សួរ​នាំ​​ និង​ចាប់​ខ្លួន​នៅ​មុខ​មន្ទីរ​ពេទ្យ​កាល់​ម៉ែត រួច​បញ្ជូន​ទៅ​ប្រគល់​ឱ្យ​នគរ​បាល​ប៉ុស្តិ៍​ទួល​សង្កែ រួច​បញ្ជូន​ទៅ​កាន់​អធិការ​ដ្ឋាន​​ខណ្ឌ​ឫស្សី​កែវ​ចាត់​ការ​តាម​ច្បាប់ ៕

ខេត្តបន្ទាយមានជ័យ​ ៖ ​​នៅ​ដើមខែ​មិថុនា​ ២០១៥ ​​ខាង​មុខ​នេះ កម្ពុជា​នឹង​​ទទួលភ្ញៀវ​ទេសចរជន​ជាតិ​ថៃ​ចំនួន​១.៥០០​នាក់ ​ចូល​តាម​ច្រក​ទ្វា​រអន្តរជាតិ​ប៉ោយ​ប៉ែ​ត

រាជ​ធានី​ភ្នំពេញ​ ៖ នៅ​ប៉ុន្មាន​នាទី​មុន​នេះ​ គណៈ​បញ្ជា​ការ​ឯក​ភាព​ខណ្ឌ​ជ្រោយ​ចង្វារ​បាន​បើក​កិច្ច​ប្រជុំ​មន្ត្រី​រាជ​ការ​ កង​កម្លាំង​ប្រដាប់អាវុធ​ក្នុង​មូល​ដ្ឋាន​ដើម្បី​ឱ្យ​អាជ្ញា​ធរ​ និង​សមត្ថ​កិច្ច​លើក​ពី​បញ្ហា​នានា​ក្នុង​

លទ្ធ​ផល​កិច្ច​ប្រជុំ​លើក​ទី​៥៣ នៃ​ក្រុម​ប្រឹក្សា​ជាតិ​ប្រឆាំង​អំពើ​ពុក​រលួយ​ថ្ងៃ​ម្សិល​មិញ

​រាជធានីភ្នំពេញ ៖ កាលពីវេលា​ម៉ោង​០៨ព្រឹកថ្ងៃទី២៩ ឧសភា ២០១៥ នេះ នៅ​ស្នងការដ្ឋាន​នគរបាល​​ខេត្តព្រះសីហនុ​ ​មាន​រៀបចំ​ ​បើក​កិច្ច​ប្រជុំបូក​​សរុប​សភា​ពការណ៍​ និង​លទ្ធផល​​កិច្ច​ប្រតិបត្តិការ​ប្រចាំ​ខែ​ឧសភា ឆ្នាំ២០១៥ ទិស​ដៅ​​អនុវត្ត​​បន្ត និង​បំពាក់​ឋាន​ន្តរ​

ខេត្តបន្ទាយ​មាន​ជ័យ​៖ ​សព​ពលករ​ខ្មែរ​ចំនួន​២​នាក់​ ត្រូវ​បាន​ភាគី​ថៃ​​បញ្ជូន​មក​ឲ្យ​សាច់ញាតិ​តាម​ច្រក​ទ្វារ​អន្តរជាតិ​ប៉ោយ​ប៉ែ​ត

Copyright © 2010 Koh Santepheap Daily, All rights reserved.
Email: info@kspg.co | Online Advertise: ads@kspg.co | Phone: 023 987 118
Hosted by