រាជធានីភ្នំពេញ ៖ ជនជាតិអុីស្រាអែលម្នាក់ស្លៀកខោខ្លីពណ៌ទាហានត្រឹមជង្គង់ ពាក់អាវយឺតវៀលក្លៀកពណ៌ក្រហម និងពាក់ម៉ាស់បានធ្លាក់ពីជាន់ទី៥ក្នុងផ្សារទំនើបសុរិយា ស្ថិតក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង៦ និង៣០នាទីល្ងាចថ្ងៃទី២០ វិច្ឆិកា ២០១២ បណ្តាលឱ្យស្លា.ប់ភ្លាមៗនៅនឹងកន្លែង និងបង្កឱ្យមានការភ្ញាក់ផ្អើលយ៉ាងខ្លាំង ហើយត្រូវបានមហាជន
រាជធានីភ្នំពេញ ៖ ជនជាតិអុីស្រាអែលម្នាក់ស្លៀកខោខ្លីពណ៌ទាហានត្រឹមជង្គង់ ពាក់អាវយឺតវៀលក្លៀកពណ៌ក្រហម និងពាក់ម៉ាស់បានធ្លាក់ពីជាន់ទី៥ក្នុងផ្សារទំនើបសុរិយា ស្ថិតក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង៦ និង៣០នាទីល្ងាចថ្ងៃទី២០ វិច្ឆិកា ២០១២ បណ្តាលឱ្យស្លាប់ភ្លាមៗនៅនឹងកន្លែង និងបង្កឱ្យមានការភ្ញាក់ផ្អើលយ៉ាងខ្លាំង ហើយត្រូវបានមហាជនសន្និដ្ឋានជំហានដំបូងថា ជារឿងឃាតកម្ម ។
មន្ត្រីនគរបាលបានឱ្យដឹងថា ជនបរទេសស្លាប់បាត់បង់ជីវិតត្រូវបានគេស្គាល់ឈ្មោះ TENNE BINJAMIN ជនជាតិអីុស្រាអែល ភេទប្រុស អាយុ៥៧ឆ្នាំ កាន់លិខិតឆ្លងដែនលេខ១០៩១៩៣៥៣ ផុតកំណត់នៅថ្ងៃទី២៨ កក្កដា ២០១៧ ។ តាមការឱ្យដឹងពីស្ត្រីម្នាក់សុំមិនបញ្ចេញឈ្មោះនិយាយថា មុនពេលកើតហេតុ គាត់បានឃើញបុរសរងគ្រោះខាងលើ ឡើងតាមជណ្តើរយន្តអម ដោយស្ត្រីម្នាក់ជាជនជាតិខ្មែរ អាយុប្រហែលជាង៣០ឆ្នាំ សំបុរសណ្តែកបាយសក់ត្រឹមស្មាស្លៀកខោខូវប៊ូយ ពណ៌ខៀវ អាវយឺតដៃវែង ពណ៌ខ្មៅ ឡើងដល់ជាន់ទី៥ ហើយពួកគេឈរមើលក្មេងៗជិះស្គី ។
បន្តិចក្រោយមក បុរសជនបរទេសរូបនោះ បានមកឈរជក់បារីម្នាក់ឯង តែមនដឹងយ៉ាងម៉េច ស្រាប់តែឮសំឡេងដូចរបស់អ្វីមួយធ្លាក់ចុះមកជាន់ក្រោម ភ្លាមៗនោះគាត់សម្លឹងមើលទើបដឹងថា បុរសជនជាតិបរទេសដែលឈរជក់បារីបានធ្លាក់ ចុះមកជាន់ក្រោមប្រកាច់ស្លាប់តែម្តង ចំណែកស្ត្រីដែលរួមដំណើរជាមួយក៏មិនដឹងគេចខ្លួនទៅណាបាត់ដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ