រាជធានីភ្នំពេញ ៖ សមាជិក សមាជិកា រួមទាំងព្រះសង្ឃ និងយាយជីប្រមាណជា២០០នាក់មកពីក្រុមការងារ ដើម្បីសន្តិភាព (Working Group Peace) បានជួបជុំគ្នានៅមុខព្រះអង្គដងកើ វិថីព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ កាលពីព្រឹកថ្ងៃទី២១ កញ្ញា ២០១២ ដើម្បីអបអរសាទរ «ទិវាសន្តិភាពពិភពលោក» ។
សមាជិកក្រុមការងារ ដើម្បីសន្តិភាពបាននិយាយថា ការប្រារព្ធទិវាសន្តិភាពពិភពលោកក្នុងពេលនេះ ក្រុមការងារ ដើម្បីសន្តិភាព និងដៃគូអង្គការក្រៅរដ្ឋាភិបាលជាដៃគូនានាសង្ឃឹមថា កម្ពុជាគឺជាប្រទេសដែលប្រជាពលរដ្ឋទាំងអស់ចូលរួមក្នុងដំណើរការប្រជាធិបតេយ្យ និងមានអារម្មណ៍ត្រូវបានប្រគល់សិទ្ធិក្នុងការនិយាយលើកកម្ពស់សង្គមសន្តិភាព ។ យើងកំពុងអបអរសាទរពីភាពរីកចម្រើនដែលយើងបានធ្វើរួចហើយនឹងកំពុងលើកទឹកចិត្តមនុស្សគ្រប់រូប ដើម្បីបន្តកិច្ចប្រឹងប្រែងសហការជាវិជ្ជមានឆ្ពោះទៅរកសន្តិភាពសម្រាប់ប្រជាពលរដ្ឋកម្ពុជា ព្រមទាំងប្រជាពលរដ្ឋក្នុងពិភពលោកផងដែរ ។ ប្រជាពលរដ្ឋដែលស្រឡាញ់សន្តិភាពបានប្រារព្ធទិវាសន្តិភាពពិភពលោកនៅរាជធានីភ្នំពេញ និងបណ្តាខេត្តចំនួន៧ផ្សេងទៀតនាថ្ងៃទី២១ កញ្ញា ២០១២ ដើម្បីលើកកម្ពស់សន្តិភាពនៅក្នុងថ្នាក់តំបន់ និងទូទាំងពិភពលោកដោយមានកិច្ចសហប្រតិបត្តិការពីរដ្ឋាភិបាល ដៃគូអភិវឌ្ឍន៍ អន្តរសាសនា (ព្រះពុទ្ធ អ៊ិស្លាម និងគ្រិស្តសាសនា) ក្រុមយុវជន និងប្រជាពលរដ្ឋទាំងអស់ធ្វើការដើម្បីសន្តិភាពដែលជាមធ្យោបាយសម្រាប់ការរស់នៅប្រកបដោយភាពសុខដុមរមនា និងសុភមង្គល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ